Lenga piemontèisa/Corso elementare di Piemontese/Lezione 6

Corso elementare di Piemontese

Lez. 0 - Lez. 1 - Lez. 2 - Lez. 3 - Lez. 4 - Lez. 5 - Lez. 6 - Lez. 7 - Lez. 8 - Lez. 9 - Lez. 10 - Lez. 11 - Lez. 12 - Lez. 13 - Lez. 14 - Lez. 15 - Lez. 16 - Lez. 17 - Lez. 18 - Lez. 19 - Lett. 1 - Lett. 2

Letura

La famija

La ca andoa che Cristin-a Odon a stà con soa famija a l’é ant ël cheur ëd Turin; a l’é pa (1) vàire granda, ma a l’é eleganta; a l’ha tut l’anciarm dij palas (2) vej ch’a fan la blëssa dël sènter dla capital piemontèisa.

Cristin-a a l’ha pen-a finì dë studié a l’università, e a l’é an camin ch’a serca ‘d travaj: a veul andé a vive daspërchila, nen përchè a-j pias nen dë sté con ij sò, ma përchè a veul esse indipendenta e a-j dëspias d’agrevé ‘l bilansi familial.

Ël pare ‘d Cristin-a a travaja a la pòsta, damantré soa mare a l’é na dòna ‘d ca. Ij grand ëd Cristin-a a j’ero canavzan da part ëd pare, da part ëd mare a j’ero ‘d Salusse. Sò pare grand (3) ëd Salusse a l’era un mèist-da-bòsch (4) an piòta, damantré soa mare granda a fasìa la sartòira. Ij sò grand canavzan a j’ero ‘d cassiné. A l’é giumai da vàire che tùit quatr a son andàit a la Vrità.

Cristin-a a l’ha nì ‘d frej, nì ‘d seure. Cand a l’era cita a sarìa piasuje d’avèj (5) un fradlin o na sorlin-a da podèjsse dësmoré ansema (6).

Ël pare ‘d Cristin-a a l’ha na seure ch’a-j diso Jolanda, damantré soa mare a l’ha un frel ch’as ës-ciama Ciafrè e ch’a l’ha doi fieuj: Bërtromé e Norin-a, ch’a son, donca, ij cusin ëd Cristin-a.

A sa mira a l’é ciàir che Bërtromé e Norin-a a son ëdcò anvod ëd pare e mare (7) ‘d Cristin-a, che a soa vòta a son sò barba e soa magna.

Note

(1) pa è sostanzialmente una negazione equivalente a nen, un po’ più forte di quest’ultima

(2) attenzione alla pronuncia della s, che qui è dolce – se fosse dura si scriverebbe palass

(3) nella lingua parlata pare grand si riduce spesso agrand, il diminutivo corrispondente all’italiano “nonnino” è grandin; anche mare granda si riduce spesso a granda mentre “nonnina” si dice grandin-a

(4) attenzione, la t di mèist ha solo valore etimologico e non si pronuncia

(5) notate il complemento –je posposto al participio passato: letteralmente "sarebbe piaciùtole di avere”

(6) dësmoré = giocare (detto soprattutto dei bambini); dësmoresse = trastullarsi, divertirsi, giocare etc.; dësmora = giocattolo

(7) il sostantivo genitor è poco usato in piemontese e si preferisce dire pare e mare

Vocabolari

famija = famiglia
cheur = cuore
pa = non, mica
pa vàire = non molto
anciarm = fascino (anche: incantesimo, sortilegio)
anciarmant = affascinante; Anciarmé = affascinare (ed anche: stregare)
palas = palazzo
blëssa = bellezza
sènter = centro
pen-a = appena
a l’ha finì = ha finito
a l’é an camin ch’a serca ‘d travaj = sta cercando lavoro
daspërchila = da sola, per conto suo
con ij sò = con i suoi
a-j pias nen dë sté = non le piace stare (lett. di stare)
indipendent = indipendente
a-j dëspias = le dispiace
agrevé / grevé = pesare, essere pesante (da grev = pesante)
bilansi = bilancio (si dice anche bilans)
familial = familiare
pare = padre
pòsta = posta
damantré = mentre
mare = madre
dòna ‘d ca = casalinga
ij grand = i nonni
a j’ero = erano
a l’era = era
canavzan = canavesano
Salusse = Saluzzo (nel Piemonte sudoccidentale)
pare grand = nonno
mare granda = nonna
mèist-da-bòsch = falegname (anche minusié)
a fasìa = faceva
sartòira = sarta (al maschile: sartor = sarto)
cassiné = proprietari di cascina
giumai = ormai
tùit quatr = tutti e quattro
a son andàit a la Vrità = lett. sono andati alla Verità, cioè sono morti (vrità = verità)
nì = né
frel = fratello (plurale frej)
seur = sorella (invariabile al plurale)
a sarìa piasuje d’avèj = le sarebbe piaciuto
fradlin = fratellino
sorlin-a = sorellina
për podèjsse dësmoré ansema = per potersi divertire insieme
na seure ch’a-j diso Jolanda = una sorella chiamata Iolanda (lett. che le dicono Iolanda)
ch’as ës-ciama = che si chiama
Ciafrè = Chiaffredo (nome tipico della regione saluzzese)
Bërtromé = Bartolomeo
Norin-a = Onorina
cusin = cugino (al femminile cusin-a = cugina, da non confondersi con cusin-a = cucina!)
anvod (variante novod) = nipote (al femminileanvoda o novoda)
anvod = nipote, nipoti
barba = zio
magna = zia
sò barba e soa magna = il loro zio e la loro zia

Conversassion

Pàula: - Anté ch’a l’é mè lìber d’egitologìa?
Cristin-a : - A l’é an sla tàula.
P. - It ses sigura? Lì a-i é nen.
C. - Preuva a vardé s’a l’é an sël sofà.
P. - Nò, a-i é nen.
C. - Coma a-i é nen? I j’era sigura ch’a fussa an sël sofà! It l’has pa lassalo a ca ‘d Flip?
P. - Speroma ch’ëd nò! Dësnò coma ch’ fas a pronteme për l’esam ëd passadoman?
C. - Sercoma ancora, peul desse ch’ a sàuta fòra. (da l’àutra stansia as sent un crij d’argioissansa)
C. - Còs é-la sossì ? Përchè ‘t crije, Pàula?
L’has-to trovà tò lìber?
P. - É! E ‘t sas andoa ch’a l’era? An sla sislonga.
It sas nen che sbeuj ch’it l’has fame pijé, mè car lìber!
C. - Ancor pro ch’it l’has nen dësmentialo antëccà ‘d nòst amis Flip, dësnò it j’ere mal butà: arvëdd-se esam!
P. - Franch parèj. Bòn, adess i vad a ca: a venta ch’i studia. Adiù, Cristin-a, mi it dagh ël bondì.
C. - Stame bin, e strach-te nen tròp fòrsa ‘d dësgifré ‘d giroglif!
P. - Pa privo ch’im ëstraca: a l’é n’argoment anciarmant. Adiù.

Vocabolari

lìber = libro
egitologìa = egittologia
an sla tàula = sulla tavola
a fussa = fosse
argioissansa = gioia
sislonga = divano
sbeuj = spavento
mal butà = mal messa
a venta ch’i studia = bisogna che io studi
dësgifré = decifrare
giroglif = geroglifico
pa privo ch’im ëstraca = nessun pericolo che mi stanchi

NÒTE ‘D GRAMÀTICA

AGGETTIVI POSSESSIVI

Gli aggettivi possessivi piemontesi rifiutano l'articolo al singolare maschile e femminile ed al plurale femminile:

mè amis (il mio amico), mia amìa (la mia amica), (ij) mè amis (i miei amici), mie amìe (le mie amiche)

singolare		plurale
maschile	femminile	maschile	femminile
mè amis	mia amìa	(ij) mè amis	mie amìe
tò amis	toa amìa	(ij) tò amis	toe amìe
sò amis	soa amìa	(ij) sò amis	soe amìe
nòst amis	nòst(r)a amia	(ij) nòsti amis	nòst(r) amìe
vòst amis	vòst(r)a amìa	(ij) vòsti amis	vòst(r)e amìe
sò amis	soa amìa	(ij) sò amis	soe amìe

PRONOMI POSSESSIVI

singolare		plurale
piemontèis	italiano	piemontèis	italiano
col lìber a l'é mè	quel libro è mio	coj lìber a son mèi	quei libri sono miei
cola ca a l'é mia	quella casa è mia	cole ca a son mie	quelle case sono mie
col lìber a l'é tò	quel libro è tuo	coj lìber a son tòi	quei libri sono tuoi
cola ca a l'é toa	quella casa è tua	cole ca a son toe	quelle case sono tue
col lìber a l'é sò	quel libro è suo	coj lìber a son sòi	quei libri sono suoi
cola ca a l'é soa	quella casa è sua	cole ca a son soe	quelle case sono sue
col lìber a l'é nòst	quel libro è nostro	coj lìber a son nòst	quei libri sono nostri
cola ca a l'é nòsta	quella casa è nostra	cole ca a son nòste	quelle case sono nostre
col lìber a l'é vòst	quel libro è vostro	coj lìber a son vòst	quei libri sono vostri
cola ca a l'é vòsta	quella casa è vostra	cole ca a son vòste	quelle case sono vostre
col lìber a l'é sò	quel libro è loro	coj lìber a son sò	quei libri sono loro
cola ca a l'é soa	quella casa è loro	cole ca a son soe	quelle case sono loro

singolare		plurale
piemontèis	italiano	piemontèis	italiano
es. lìber	es. libro	es. lìber	es. libri
a l'é 'l mè	è il mio	a son ij mèi	sono i miei
a l'é 'l tò	è il tuo	a son ij tòi	sono i tuoi
a l'é 'l sò	è il suo	a son ij sòi	sono i suoi
a l'é 'l nòst	è il nostro	a son ij nòst	sono i nostri
a l'é 'l vòst	è il vostro	a son ij vòst	sono i vostri
a l'é 'l sò	è il loro	a son ij sò	sono i loro
es. ca	es. casa	es. ca	es. case
a l'é la mia	è la mia	a son le mie	sono le mie
a l'é la toa	è la tua	a son le tue	sono le tue
a l'é la soa	è la sua	a son le sue	sono le sue
a l'é la nòsta	è la nostra	a son le nòste	sono le nostre
a l'é la vòsta	è la vostra	a son le vòste	sono le vostre
a l'é la soa	è la loro	a son le soe	sono le loro

VERB

Indicativo imperfetto dei verbi ausiliari
essere	esse	avèj	avere
io ero	mi i j'era	mi i l'avìa	io avevo
tu eri	ti it j'ere / it j'éres	ti it l'avìe	tu avevi
egli / ella era	chiel / chila a l'era	chiel / chila a l'avìa	egli / ella aveva
noi eravamo	nojàuti i j'ero	nojàuti i l'avìo	noi avevamo
voi eravate	vojàuti i j'ere	vojàuti i l'avìe	voi avevate
essi erano	Loràuti a j'ero	loràuti a l'avìo	essi avevano

Indicativo presente ed imperfetto del verbo essere con pronome lo
essere	esse	esse	essere
lo sono	mi i lo son	mi i lo j'era	lo ero
lo sei	ti ‘t lo ses	ti it lo j'ere	lo eri
lo è	chiel / chila a 'l l'é	chiel / chila a 'l l'era	lo era
lo siamo	nojàuti i lo soma	nojàuti i lo j'ero	lo eravamo
lo siete	vojàuti i lo seve	vjàutri i lo j'ere	lo eravate
lo sono	loràuti a lo son	lràutri a lo j'ero	lo erano

ESERCISSI

VIRÉ AN ITALIAN / AN PIEMONTÈIS

1. Mè grand a l'é andàit a la Vrità.
2. Cristin-a a l'ha na sorlin-a ch'a l'é candia com na fior e bela parèj dël sol.
3. I veuj bèive na stissa (una goccia; un po') 'd làit.
4. Il l'has sèj? Òi!
5. Coma ch'a-j diso a la mare 'd Jolanda?
6. A-j diso Varònica.

1. Quando Norin-a era piccola, la sua mamma le raccontava sempre delle fiabe.
2. Cristina sta cercando un lavoro.
3. I cugini di Cristina stanno andando al mercato.
4. Il soffitto è bianco; il pavimento di legno è quasi (scasi) nero.
5. Bartolomeo (Bërtomé) vuole bere un succo di pompelmo, Cristina preferisce (preferire = avèj pi car) un'aranciata.
6. Tu sei stanco di camminare (marcé)? Io non lo sono.

Glossario minimo piemontese-italiano