La Bibia piemontèisa/Testament Vej/Salm/Salm 136

←Salm 135

La Bibia piemontèisa Ij Salm

Salm 137→

La Bìbia piemontèisa - Salm 136

Salm

136. Rende grassie a Nosgnor, përchè chiel a l’é bon!

An cost ìnn ël salmista a fortiss che Nosgnor a l’é degn ëd minca làude, përchè soa misericòrdia a vnirà mai a manché, për soa autorità sovran-a e compassion. Minca ‘n versèt ëd ël salm a chita con ël refren: përchè soa misericòrdia a vnirà mai a manché.

¹Rende grassie a Nosgnor, përchè chiel a l’é bon! Përchè soa misericòrdia a vnirà mai a manché^[1]!

²Rende grassie al Dè dij dé! Përchè soa misericòrdia a vnirà mai a manché!

³Rendé grassie al Signor dij signor, përchè soa misericòrdia a vnirà mai a manché!

⁴Rendje grassie, përchè mach chiel a fà ‘d miràcoj potent! Përchè soa misericòrdia a vnirà mai a manché!

⁵Rende grassie a col ch’a l’ha fàit ij cej con tanta abilità^[2], përchè soa misericòrdia a vnirà mai a manché!

⁶Rende grassie a col ch’a piassava la tèra an tra j’aque^[3], përchè soa misericòrdia a vnirà mai a manché!

⁷Rende grassie a col ch’a l’ha fàit le luminàrie grande , përchè soa misericòrdia a vnirà mai a manché!

⁸Ël sol coma ‘l pressidi dël di, përchè soa misericòrdia a vnirà mai a manché!

⁹La lun-a e le stèile coma ij pressidi dla neuit^[4], përchè soa misericòrdia a vnirà mai a manché!

¹⁰Rendé grassie a col ch’a l’ha patlà ij primgénit dl’Egìt^[5], përchè soa misericòrdia a vnirà mai a manché!

¹¹Chiel a l’ha fàit seurte Israel da ‘n mes a lor^[6], përchè soa misericòrdia a vnirà mai a manché!

¹²Chiel a l’ha travajà con man fòrta e con bras protent, përchè soa misericòrdia a vnirà mai a manché!

¹³Rende grassie a col ch’a l’ha dividù an doi ‘l Mar Ross, përchè soa misericòrdia a vnirà mai a manché!

¹⁴Chiel a l’ha mnà Israel a travers dël mar an tuta sicurëssa, përchè soa misericòrdia a vnirà mai a manché!

¹⁵Ma chiel a l’ha fàit fonghé ‘l Faraon e soa armeja ant ël Mar Ross^[7], përchè soa misericòrdia a vnirà mai a manché!!

¹⁶Rende grassie a col ch’a l’ha mnà sò pòpol a travers dël desert, përchè soa misericòrdia a vnirà mai a manché!

¹⁷Rende grassie a col ch’a l’ha patlà dij grand rè, përchè soa misericòrdia a vnirà mai a manché!

¹⁸Chiel a l’ha massà ‘d rè poderos, përchè soa misericòrdia a vnirà mai a manché!

¹⁹Sicon, rè dj’Amorita^[8], përchè soa misericòrdia a vnirà mai a manché!

²⁰E Ogh, rè ‘d Basan^[9], përchè soa misericòrdia a vnirà mai a manché!

²¹Nosgnor a l’ha dàit la tèra ‘d costi rè an ardità, përchè soa misericòrdia a vnirà mai a manché!

²²Coma n’ardità a Israel, sò servent, përchè soa misericòrdia a vnirà mai a manché!

²³Chiel a l’ha arcordasse ‘d nojàutri an nòstra debolëssa, përchè soa misericòrdia a vnirà mai a manché!

²⁴Chiel a l’ha salvane dai nòstri nemis, përchè soa misericòrdia a vnirà mai a manché!

²⁵Chiel a l’ha dàit da mangé a tùit ij vivent, përchè soa misericòrdia a vnirà mai a manché!

²⁶Rende grassie al Dé dij cej, përchè soa misericòrdia a vnirà mai a manché!

Nòte

1. Cfr. 1 Crònache16:34; 2 Crònache 5:13; 7:3; Esdra 3:11; Salm 100:5; 106:1; 107:1; 118:1; Geremìa 33:11.
2. Cfr. Génesi 1:1.
3. Cfr. Génesi 1:2.
4. 136:7-9 cfr. Génesi 1:16.
5. Cfr. Surtìa 11:29.
6. Cfr. Surtìa 12:51.
7. 136:13-15 cfr. Surtìa 14:21-29.
8. Cfr. Numer 21:21-30.
9. Cfr. Nùmer 21:31-35.