X. La lun-a ofèisa modifiché

Lun-a dai nòstri pare adorà con discression,
Da l'àut dij pais bleu andoa, seraj radios,
J'astri at van darera an pimpant cortej giojos,
Veja Cinzia, dij nòstri arpar lum d'ògni stagion,

Vëddes-tu ij moros, an sle brande prosperose,
Ch'a mostro 'l frèsch ësmalt dai durmient làver ësbaj?
Ël poeta ch'a cin-a la front dzor sò travaj?
Oh sot ij rovej cobiesse serp velenose?

Sota tò domini giàun, con pé clandestin,
Vas-tu coma na vòlta, da sèira a matin,
Vas-tu a basé d'Endimion le grassie passà?

-"Vëddo toa mare, fieul d'un secol an-miserì,
Che vers lë specc a cin-a un pesant amass d'anà
E a plasma a art ël sen ch'a t'ha nutrì!"