Rino Serra/Le fior dël mal/035
XXXV. Duellum modifiché
Doi soldà a l'han corusse l'un l'àutr anver;
J'arme a l'han anflà l'aria 'd sangh e s-ciandor,
A son ël fracass sti gieugh, sti dindoné 'd fer,
Ëd na gioventura 'n man a novel amor.
Le spa a son a tòch! Come nòsta gioventura.
Mia cara! Ma ij dent e le unge aussà,
Bin prest a vendicheran spa e daga traditora,
-Oh furor ëd cheur mur e da l'amor ulcerà!
Ant ël ravin pien ëd ghepard e luv servié
Ij nòsti eròi, strèit malament a ròtolo,
La pel dij doi, ël sùit ëd le ronse a savrà 'nfioré.
-St'abiss, l'é l'infern che ij nòsti amis a pòpolo!
Dòna soldà disuman-a, rolonse, armòrs gnun,
Alfin d'eternisé l'arcòrd ëd nòst ghignon!