Rino Serra/Le fior dël mal/146
XXI. Drolarìe modifiché
AN SËL DEBUT D'AMIN-A BOSCHÈT
AL "TEATRO DE LA MONNAIE" A BRUXELLES
Amin-a a scata, -scapa, -peui a voltegia 'n rijend;
"Tut sòn për mi, l'é sànscrit; l'ignorant va disend,
Mi i conòsso mach, ën fàit ëd ninfe boschere,
Cole 'd la montagna 'd j'erbe-potagere."
Da la ponta 'd sò pé e da sò euj ch'a ghigna,
A versa a flut deliri e spirit Amin-a,
L'ignorant a dis: via le delissie sfaussià!
Mia sposa dë ste andure legere a n'ha pa."
Voi seve pa, oh silfid dal garèt trionfant,
Ch'it veule mostré 'l valser a l'elefant,
A l'oloch l'alegrìa, ël rije a la sicògna,
Che dzor la grassia 'n feu a dis: "Ajut! L'ignorant;
E che 'l doss Bacco a-j vërsèissa 'd borgògna,
Ël mostro a-j rësponderìa: "La bira am pias pì tant!"