Rino Serra/Le fior dël mal/144
XIX. Ël riscàt
modifichéL'òm për paghé soa liberassion,
L'ha doi camp ëd tuf rich e përfond,
Ch'a deuv dësgerbì e sbogé a fond
Duvrand ël fer ëd soa rason;
Për avej un-a cita reusa
E për ës-cianché quàich ëspì 'ncor
Da soa front grisa, salà 'd pior
Duvrà bagneje sensa pòsa.
L'un a l'é l'Art e l'àutr l'Amor.
-Për rende 'l giùdes propissi,
Cand dël rigoros giudissi
A jë vnirà 'l di con teror,
A bzògnerà mostré ij grané
Pien ëd mësson e 'dcò fior
Doa le forme e ij color
Ël sufrage dj'àngej a san vagné.