Rino Serra/Le fior dël mal/070

Baudelaire, Le fior dël mal

LXX. Sepoltura

Se 'nt na neuit pesanta e scura
Un bon cristian, për carità,
Daré quàich veja masura
Ël vòst còrp vantà a sotrerà,

Ant l'ora che caste stèile
A fërmo j'euj apesantì,
L'aragn a farà soe tèile
E la vipera 'l sò nì;

Sentireve tuta l'anà
Su vòstre teste condanà
Ij crij dij luv lamentos

E dle masche afamà,
Bagord ëd vej assatanà
E ij complòt dij vej mafios.