Rino Serra/Le fior dël mal/056

Baudelaire, Le fior dël mal

LVII. A na madòna ex vòto 'd gust ëspagneul→

LVI. Sisìn-a

An-maginé Diana 'nt un corteo galant,
Bate la boschin-a o për la foresta 'ndé,
Cavèj e sen al vent, cioca 'd rabel e tant,
Superba sfidand ij mijor cavajer ch'a-i é!

I l'eve vist Théroigne, amant dël carnagi,
Un pòpol sensa scarpe, a l'assàut cissé,
La ciafela e l'euj, giugand sò përsonagi,
Sàber ën pugn, le reaj ëscale monté?

Ma la dossa gueriera, l'é parej Sisin-a,
L'ha n'ànima 'd carità oltre che sassin-a;
Sò corage, corm ëd tamborn e 'd póver,

Davanti ai suplicant a sà bassé j'arme,
E sò cheur, pur ravagià da le fiame, semper,
Për chi as mostra degn, l'ha na riserva 'd lerme.