Wikisource

La Bibia piemontèisa/Testament Vej/Salm/Salm 114

< La Bibia piemontèisa | Testament Vej | Salm

Ij Salm

modifiché

114. Cand che Israel a l'ha chità l'Egit

modifiché
La Bibia piemontèisa - Salm 114
Ël Salmista a arciama a la memòria ij fàit ëd la surtìa da l'Egit e dla conquista dla tèra dla promëssa. A sélebra peui la sovranità 'd Nosgnor anvers ëd sò pòpol, ch'a l'é gropà a chiel con un pat.

Cand che Israel a l'ha chità l'Egit, cand che la famija 'd Giacòb a l'é lassasse darera na nassion forëstera, 2Giuda a l'é dventà sò santuari, Israel sò règn. 3Ël mar a l'ha vardà e a l'é scapà[1] e 'l fium Giordan a l'é tornà 'ndarera[2]. 4Le montagne a sautavo coma 'd moton e le colin-e tanme 'd bèro. 5Përchè scapes-to, mar? Përchè tornes-to 'ndarera, fium? 6Përchè sauteve coma 'd moton, montagne, tanme 'd bèro, colin-e? 7Tërmola, tèra, dë 'dnans a Nosgnor - dë 'dnans al Dé 'd Giacòb, 8ch'a l'ha cambià na ròca 'nt na gòja d'eva, na dura ròca 'nt na sorgiss d'eva[3].

Nòte

modifiché
  1. ↑ Cfr. Surtìa 14:21.
  2. ↑ Cfr. Giosué 3:16.
  3. ↑ Cfr. Surtìa 17:1-7; Numer 20:2-13.
Pijàit da «https://pms.wikisource.org/w/index.php?title=La_Bibia_piemontèisa/Testament_Vej/Salm/Salm_114&oldid=27676»