La Bibia piemontèisa/Testament Vej/Numeri/Numeri 7

←Numeri 6

La Bibia piemontèisa Nùmeri

Nùmeri 8→

Ij nùmer

7

Oferta dij beu e dij chèr

¹Ël di che Mosè a l'ha chità 'd drissé ‘l Tabërnacol, a l’ha onzùlo d’euli sant për consacrelo con tùit ij sò furniment, përparèj coma l’autar, con tùit ij sò asi. Finì ch’a l’avìa, ²a son ëvnuje j'òm prinsipaj d’Israel, ij cap ëd soe tribù, j’istess ch’a l’avìo sovrintendù al censiment. ³Dë 'dnans a Nosgnor a l’han presentà coma n’oferta ses chèr quatà e dódes beu, un chèr për doi cap e un beu mincadun. A l’han presentaje dë 'dnans al Tabernacol.

⁴Nosgnor a l’ha dit a Mosè: ⁵“Pij-je pura da lor, e ch’a sio dovrà pr’ ël servissi dla Tenda dël Rëscontr. It ij daras ai Levita, a mincadun conform a soa fonsion. ⁶Mosè a l'ha pijàit ij chèr e ij beu e a l'ha donaje ai Levita. ⁷Ai fieuj ëd Gherson, a l'ha daje doi chèr e quat beu, an rason ëd lòn ch'a dovìo fé. ⁸Ai fieuj ëd Merari a l'ha dajne quat, ëd chèr, sota la sorveliansa d'Itamar, fieul d'Aron, ël sacerdòt. ⁹Nopà, ai fieuj ëd Cheat, a l'ha pa dàine, pr’ ël motiv che lor a dovìo porté a spale la caria dle còse sante.

D’àutre oferte dj'òm prinsipaj d’Israel

¹⁰J'òm prinsipaj d’Israel a l’han portà soa oferta për la dedicassion dl’autar, ël dì ‘d soa consacrassion. A l’han presentala dë 'dnans a l’autar. ¹¹Nosgnor a l’avìa dit a Mosè: “Ij prinsipaj ëd minca na tribù, an rason d’un për dì, a l’han presentà soa oferta ‘d lor për la dedicassion dl’autar.

L’órdin ëd presentassion

¹²Col ch'a l'ha portà soa oferta ël prim di, a l'era stàit Nacson, fieul d'Aminadab, ëd la tribù 'd Giuda. ¹³Soa oferta a comprendìa: un bassin d'argent ch'a pèisava sentetranta sicl, un grilèt d'aspersion n'argent dë stanta sicl, conform al sicl dël santuari, tùit doi ampinì për l'oblassion: pur fior ëd farin-a a l'euli; ¹⁴na copa d'òr ëd des sicl, pien-a d'ancens; ¹⁵un vailèt, un moton e un babero 'd n'ann për ël sacrifissi complet, ¹⁶un boch për n’oferta ëd purificassion; ¹⁷e pr’ ij sacrifissi ‘d comunion: doi beu, sinch moton, sinch boch, sinch babero 'd n'ann. Costa a l'é stàita l'oferta 'd Nacson ben Aminadab.

¹⁸Chi a l'ha portà soa oferta dlë scond di a l'é stàit Netanel fieul ëd Suar, cap d'Issacar. ¹⁹Soa oferta a comprendìa: un grilèt d'argent dël pèis ëd tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion: pur fior ëd farin-a con d'euli; ²⁰na copa d'òr ëd des sicl, ampinì d'ancens; ²¹un bocin, un moton e un bero 'd n'ann për l'olocàust, ²²un boch për n’oferta ‘d purificassion ²³e për cola ‘d comunion, doi beu, sinch moton, sinch boch, sinch babero 'd n'ann. Costa l'oferta 'd Netanel, fieul ëd Suar.

²⁴Col ch'a l'ha portà soa oferta 'l ters di a l'era stàit Eliab fieul ëd Chelon, cap dij fieuj ëd Zabulon. ²⁵Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion: fior ëd farin-a con euli; ²⁶na copa d'òr ëd des sicl pien-a d'ancens, ²⁷un bocin, un moton e un babero 'd n'ann për l'olocàust; ²⁸un boch për n’oferta ‘d purificassion, ²⁹e për ël sacrifissi 'd comunion, doi beu, sinch moton, sinch babero 'd n'ann. Costa l'oferta d'Eliab, fieul ëd Chelon.

³⁰Col ch'a l'ha portà soa oferta 'l quart di a l'era stàit Elisor fieul ëd Sedeur, cap ëd ij fieuj ëd Ruben. ³¹Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël Santuari, tùit doi ampinì për l'oblassion, ëd fior ëd farin-a con euli; ³²na copa d'òr ëd des sicl pien-a d'ancens, ³³un bocin, un moton e un babero 'd n'ann për l'olocàust, ³⁴un boch për ël sacrifissi ‘d purificassion, ³⁵e për ël sacrifissi 'd comunion, doi beu, sinch moton, sinch babero 'd n'ann. Costa l'oferta d'Elisor, fieul ëd Sedeur.

³⁶Col ch'a l'ha portà soa oferta 'l quint di a l'era stàit Selumiel fieul ëd Surissadai, cap ëd ij fieuj ëd Simeon. ³⁷Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion: fior ëd farin-a con euli; ³⁸na copa d'òr ëd des sicl pien-a d'ancens, ³⁹un bocin, un moton e un babero 'd n'ann për l'olocàust, ⁴⁰un boch për ël sacrifissi ‘d purificassion ⁴¹e për ël sacrifissi 'd comunion, doi beu, sinch moton, sinch babero 'd n'ann. Costa l'oferta 'd Selumiel, fieul ëd Surissadai.

⁴²Col ch'a l'ha portà soa oferta 'l sest di a l'era stàit Eliasaf fieul ëd Deuel , cap ëd ij fieuj ëd Gad. ⁴³Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion: fior ëd farin-a con euli; ⁴⁴na copa d'òr ëd des sicl pien-a d'ancens, ⁴⁵un bocin, un moton e un babero 'd n'ann për l'olocàust, ⁴⁶un boch për ël sacrifissi ‘d purificassion, ⁴⁷e për ël sacrifissi 'd comunion, doi beu, sinch moton, sinch babero 'd n'ann. Costa l'oferta d'Eliasaf, fieul ëd Deuel.

⁴⁸Col ch'a l'ha portà soa oferta 'l sétim di a l'era stàit Elisama, fieul d'Amiod, cap ëd ij fieuj d'Efraim. ⁴⁹Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion: pur fior ëd farin-a con euli; ⁵⁰na copa d'òr ëd des sicl pien-a d'ancens, ⁵¹un bocin, un moton e un babero 'd n'ann për l'olocàust, ⁵²un boch për ël sacrifissi ‘d purificassion, ⁵³e për ël sacrifissi 'd comunion, doi beu, sinch moton, sinch babero 'd n'ann. Costa l'oferta d'Elisama, fieul d'Amiod.

⁵⁴Col ch'a l'ha portà soa oferta 'l di che a fà eut a l'era stàit Gamliel fieul ëd Pedasor, cap ëd ij fieuj ëd Manasse. ⁵⁵Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël Santuari, tùit doi ampinì për l'oblassion: fior ëd farin-a con euli, ⁵⁶na copa d'òr ëd des sicl pien-a d'ancens, ⁵⁷un bocin, un moton e un babero 'd n'ann për l'olocàust, ⁵⁸un boch për ël sacrifissi ‘d purificassion, ⁵⁹e për ël sacrifissi 'd comunion, doi beu, sinch moton, sinch babero 'd n'ann. Costa l'oferta 'd Gamliel, fieul ëd Pedasor.

⁶⁰Col ch'a l'ha portà soa oferta 'l di che a fà neuv a l'era stàit Abidan fieul ëd Ghideoni, cap ëd ij fieuj ëd Beniamin. ⁶¹Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion: fior ëd farin-a con euli, ⁶²na copa d'òr ëd des sicl pien-a d'ancens, ⁶³un bocin, un moton e un babero 'd n'ann për l'olocàust, ⁶⁴un boch për ël sacrifissi ‘d purificassion, ⁶⁵e për ël sacrifissi 'd comunion, doi beu, sinch moton, sinch babero 'd n'ann. Costa l'oferta d'Abidan, fieul ëd Ghideoni.

⁶⁶Col ch'a l'ha portà soa oferta 'l di che a fà des a l'era stàit Achieser fieul d' Amisadai, cap ëd ij fieuj ëd Dan. ⁶⁷Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion: fior ëd farin-a con euli; ⁶⁸na copa d'òr ëd des sicl pien-a d'ancens, ⁶⁹un bocin, un moton e un babero 'd n'ann për l'olocàust, ⁷⁰un boch për ël sacrifissi ‘d purificassion, ⁷¹e për ël sacrifissi 'd comunion, doi beu, sinch moton, sinch babero 'd n'ann. Costa l'oferta d'Achieser, fieul d'Amisadai.

⁷²Col ch'a l'ha portà soa oferta 'l di che a fà óndes a l'era stàit Paghiel fieul d'Ocran, cap ëd ij fieuj d'Aser. ⁷³Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion, ëd fior ëd farin-a con euli; ⁷⁴na copa d'òr ëd des sicl pien-a d'ancens, ⁷⁵un bocin, un moton e un babero 'd n'ann për l'olocàust, ⁷⁶un boch për ël sacrifissi ‘d purificassion, ⁷⁷e për ël sacrifissi 'd comunion, doi beu, sinch moton, sinch babero 'd n'ann. Costa l'oferta 'd Paghiel, fieul d'Ocran.

⁷⁸Col ch'a l'ha portà soa oferta 'l di che a fà dódes a l'era stàit Achira fieul d'Enan, cap ëd ij fieuj ëd Neftali. ⁷⁹Soa oferta a comprendìa: un grilèt d'argent che a peisava tranta sicl, un bassin d'aspërsion an argent dë stanta sicl, conform al sicl dël santuari, tùit doi ampinì për l'oblassion: fior ëd farin-a con euli; ⁸⁰na copa d'òr ëd des sicl pien-a d'ancens, ⁸¹un bocin, un moton e un babero 'd n'ann për l'olocàust, ⁸²un boch për ël sacrifissi ‘d purificassion, ⁸³e për ël sacrifissi 'd comunion, doi beu, sinch moton, sinch babero 'd n'ann. Costa l'oferta d'Achira, fieul d'Enan.

Somari

⁸⁴Coste-sì a son ëstàite j'oferte dij cap d'Israel për la dedicassion dl'autar, ël di 'd soa consacrassion: dódes grilèt d'argent, dódes bassin d'aspersion n'argent, dódes cope d'òr. ⁸⁵Minca grilèt d'argent a pèisava tranta sicl, e tùit ij bassin d'aspersion stanta, l'argent ëd costi utiss a pèisava an tut doimilaquatzent sicl dël santuari. ⁸⁶Le dódes cope d'òr ampinìe d'ancens a pèisavo mincadun-a des sicl, an sicl dël santuari, l'òr ëd coste cope a pèisava an tut sentevint sicl. ⁸⁷Total dël cabial për l'olocàust: dódes vailèt, dódes moton, dódes babero 'd n'ann, ansema a j'oblassion. Për ël sacrifissi ‘d purificassion dódes boch. ⁸⁸Total ëd le bestie për ël sacrifissi 'd comunion: vintequat bocin, sessanta moton, sessanta boch, sessanta agnej ëd n'ann. Coste a son ëstàite j'oferte për la dedicassion dl'autar, dòp ëd soa consacrassion^[1].

⁸⁹Ant ël moment che Mosè a l'é intrà ant la Tenda dël Rëscontr për adrëssesse a Nosgnor, a l'ha sentù la vos che a-j parlava da dzora dël Coercc ëd ël Përdon ch’a portava l'Èrca dla Testimoniansa, an tra ij doi cherubin. A l’é antlora ch’a l’é adrëssasse a chiel.

Nòte

1. Bele se cost capìtol a parëss nojos, pesant, për ël letor modern, e da le tante arpetission, a l'é 'n document ëd valor. A corispond ai liber mastr dij santuari antich. La registrassion a podrìa esse stàita për man dij scriba sacerdotaj. Tute le tribù d'Israel a son arpresentà ambelessì ant un pian d'ugualiansa, a fà nen vàire ch'a sìo larghe o 'd pèis - tute parija dë 'dnans a Nosgnor. Minca na tribù a pijava part a l'euvra 'd Nosgnor am parità con j'àutre. Minca na tribù as avzinava al Santuari ant la midema manera, an costa ocasion d'arcordess-ne. Na tal devossion a l'euvra 'd Nosgnor a deuvìa arsèive la benedission ëd Nosgnor.