La Bibia piemontèisa/Testament Vej/Malachia/Malachia 4
Malachìa modifiché
4 modifiché
1Përchè vardé: Ël di ch’a riva, afoà com un forn, lor a saran coma ‘d paja, tùit ij pien ëd babìa e ij gram; ël dì ch’a riva a-j brusrà, a dis Nosgnor ëd l’Univers, a la mira che a-j lasrà pa nì reis nì branch.
2Ma për vojàutri ch’i tëmme mè Nòm, ël sol ëd giustissia a nasrà con la salvëssa ant ij sò ragg; voi i seurtireve an sautërland com un bocin a l’angrass. 3Vojàutri i scarpisereve coj ch’a scarto la lege, përchè a saran ëd sënner sota la pianta dij vòstri pé, ant ël di che mi i pronto, a dis Nosgnor ëd l’Univers.
Esortassion e promëssa modifiché
4Arcordeve sèmper ëd la lege ch’i l’hai daje a Mosè mè servitor, a l’Horeb, për tut Israel, e dij precet e ‘d decret. 5Vardé che mi ‘v mando ‘l profèta Elìa, anans ch’a-i riva ‘l di ‘d Nosgnor, grand e afros. 6Chiel a mnerà torna ‘l cheur dij pare vers sò fieuj e ‘l cheur dij fieuj vers ij sò pare[1] - për la tëmma che mi i vada a colpì la tèra d’anatema.
Nòte modifiché
- ↑ Cfr. Maté 11:14; 17:10-13; March 9:11-13; Luca 1:17; Gioann 1:21.