La Bibia piemontèisa/Testament Vej/Giob/Giob 25

←Giòb 24

La Bibia piemontèisa Giob

Giòb 26→

La Bìbia piemontèisa - Giòb 25

Giòb

25

Ters dëscors ëd Bildad

¹Anlora Bildad ël Suchita a l'ha ciapà a parlé parèj: ²“La potensa^[1] ‘d Dé a l’é afrosa. A l'é chiel che a stabiliss la pas ant ël pì àut dël cel. ³Chi mai podrìa-lo conté soe armeje? A l’é pa forsi vera che soa lus a brila an sla tèra antrega? ⁴Coma ch’a podrìa l’òm mai giustifichesse ‘dnans a Dé? Podrìa-lo un ch’a sìa nassù da na fomna esse dël tut pur? ⁵Dé a l’ha motobin ëd pì ‘d glòria che la lun-a; chiel a splendriss pì ciàir che le stèile. ⁶Tant ëd men-o a l’é n’òm, ch’a l’é mach ëd matèria ch’a va an putrefassion, e ‘l fieul ëd l’òm, ch’a l’é mach un verm!".

Nòte

1. La paròla הַמְשֵׁל (hamshel) a l'é la coniugassion Hifil infinitiva (valadì causativa) absolùa dovrà parèj d'un nòm: a descriv ël domìni che a l'ha Dé, lòn ch'a dà podèj e autorità.