La Bibia piemontèisa/Testament Vej/Cronache/1Cronache1

←2 Rè 25

La Bibia piemontèisa Ij lìber dle Crònache

1 Crònache 2→

1 Crònache 1

1 Crònache

1

Da Adam a Abraham

¹Adam, Seth, Enos, ²Chenan, Malalel, Iered, ³Enòch, Matusalem, Lamech, ⁴Noè, Sem, Cam e Iafet. ⁵Ij dissendent ëd Iafet: Gomer, Magòg, Madai, Iavan, Tubal, Mesech e Tiras. ⁶Dissendent ëd Gomer: Aschenaz, Rifat e Togarma. ⁷Dissendent ëd Iavan: Elisa, Tarsis, ij Chitim e coj ëd Ròdi. ⁸Dissendent ëd Cam: Etiòpia, Egit , Put e Canan. ⁹Dissendent d’Etiòpia: Sheba, Avila, Sabta, Rama e Sabteca. Dissendent ëd Rama: Saba e Dedan. ¹⁰Etiòpia a l'ha generà Nimrod: chiel-sì a l'ha ancaminà a esse potent an sla tera. ¹¹Egit a l'ha generà coj ëd Lud, Anam, Lab, Naftuch, ¹²Patros, Casluch e Caftor, da andova a l'ero surtì ij Filisté. ¹³Canan a l'ha generà Sidon , sò primnassù, e Chet. ¹⁴e ël Gebusé, l'Amoré, ël Ghirgasé, ¹⁵l'Evé, l'Archeo, ël Sineo, ¹⁶l'Arvadita, ël Semaré e ël Camaté. ¹⁷Ij dissendent ëd Sem: Elam, Assur, Arpacsad, Lud e Aram. Fieuj d' Aram: Us, Ul, Gheter e Mesech. ¹⁸Arpacsad a l'ha generà Selach e Selach a l'ha generà Eber. ¹⁹A Eber a son nà dòi fieuj: un a l'é ciamasse Pelegh, perché ai sò temp a l'é dividusse la tera^[1], e sò frel a l'é ciamasse Ioctan; ²⁰Ioctan a l'avìa generà Almodad, Selef, Asarmavet, Ierach, ²¹Adoram, Usal, Dicla, ²²Ebal, Abimael, Sheba, ²³Ofir, Avila e Iobab. Tuti costi-sì a son ëstait ij fieuj ëd Ioctan. ²⁴Sem, Arpacsad, Selach, ²⁵Eber, Pelegh, Reu, ²⁶Serug, Nacor, Terach, ²⁷Abram, visadì Abraham. ²⁸Fieuj d' Abraham: Isach e Ismael. ²⁹Ij dissendent d'Ismael: Primnassù d' Ismael a l'é stait Nebaiot; d'autri sò fieuj: Chedar, Adbel, Mibsam, ³⁰Misma, Dumah, Massa, Adad, Tema, ³¹Ietur, Nafis e Chedma; costi-sì a l'ero stait ij fieuj d'Ismael. ³²Fieuj ëd Chetura, concubin-a^[2] d' Abraham: chila a l'ha partorì Zimran, Iocsan, Medan, Madian, Isbach e Suach. Fieuj ëd Iocsan: Sheba e Dedan. ³³Fieuj ëd Madian: Efa, Efer, Enòch, Abida e Elda; tuti costi-si a l'ero stait ij fieuj ëd Chetura.

Ij dissendent d'Isach

³⁴Abraham a l'ha generà Isach. Fieuj d' Isach: Esaù e Israel; ³⁵Fieuj d' Esaù: Elifas, Reuel, Ieus, Ialam e Cora. ³⁶Fieuj d' Elifas: Teman, Omar, Sefì, Gatam, Chenas, Timna e Amalech. ³⁷Fieuj ëd Reuel: Nacat, Zerach, Sama e Misa. ³⁸Fieuj ëd Seir: Lotan, Sobal, Sibeon, Ana, Dison, Eser e Disan. ³⁹Fieuj ëd Lotan: Ori e Omam. Seure ëd Lotan: Timna. ⁴⁰Fieuj ëd Sobal: Alvan, Manacat, Ebal, Sefì e Onam. Fieuj ëd Sibeon: Aia e Ana. ⁴¹Fieuj d' Ana: Dison. Fieuj ëd Dison: Camran, Esban, Itran e Cheran. ⁴²Fieuj d' Eser: Bilan, Zavan, Iacan. Fieuj ëd Disan: Us e Aran. ⁴³Costi-sì a son ij rè che a l'han regnà ant ël territòri d'Edom, anans che a regnèissa un rè ansima a j'Israelita: Bela, fieul ëd Beor e soa sità ciamà Dinaba. ⁴⁴Bela a l'é mòrt e a sò pòst a l'ha regnà Iobab, fieul ëd Zerach, da Bosra. ⁴⁵Iobab a l'é mòrt e a sò pòst a l'ha regnà Cusam, dël territòri dij Temanita. ⁴⁶Cusam a l'é mòrt e a sò pòst a l'ha regnà Adad, fieul ëd Bedad, col che a l'ha vagnà an sij Madianita ant le vàude ëd Moab; soa sità as ciamava Avit. ⁴⁷Adad a l'é mòrt e a sò pòst a l'ha regnà Samla, da Masrecà. ⁴⁸Samla mòrt e a sò pòst a l'ha regnà Saul, da Recobòt-Nar. ⁴⁹Saul a l'é mòrt e a sò pòst a l'ha regnà Baal-Canan, fieul d' Acbor. ⁵⁰Baal-Canan, fieul d'Acbor, a l'é mòrt e a sò pòst a l'ha regnà Adad: soa sità as ciamava Pau e la fomna Metabel, fija 'd Matred, fija 'd Me-Zab. ⁵¹Adad a l'é mòrt e a son ëstaie antlora an Edom ëd cap : ël cap ëd Timna, ël cap d' Alva, ël cap ëd Ietet, ⁵²ël cap d' Olibama, ël cap d' Ela, ël cap ëd Pinon, ⁵³ël cap ëd Chenaz, ël cap ëd Teman, ël cap ëd Mibsar, ⁵⁴ël cap ëd Magdiel, ël cap d' Iram. Costi-si a son ëstait ij cap d'Edom.

Nòte

1. An ebràich "pelegh" a veul dì "division". A peul arferisse a lë spatarament ëd la gent apress l'episòdi 'd Babel.
2. Na concubin-a, ant le società dl'Asia ocidental, a l'era na s-ciava ch'a l'era 'd proprietà legal ëd sò padron, ma ch'a podìa avèj 'd relassion sessuaj con chiel. La condission ëd la concubin-a a l'era pì elevà che cola 'd na serva ordinària, ma a l'era pa lìbera e a a l'avìa nen ij drit legaj ëd na fomna lìbera. Ij fieuj ëd na concubin-a a podìo an chèich cas, dventé d'ardité eguaj con ij fieuj ëd la lìbera. Apress dël perìod dij Giùdes, le concubin-e a j'ero pitòst na prerogativa dij rè (cfr. 2 Samuel 21:10; 1 Rè 11:13).