Rino Serra/Tèra mìa/06
Rape dë stèile modifiché
Rape de stèile an cel
Vigna 'd Nosgnor
Che mascarìa or
Fra 'l mar e 'l cel,
Faravòsche
De stèile a tombo
Drite 'nt el mar
Mentre, lun-a e mar
An cel as fondo.
Cel ed neuit d'avril
Marcà da stèile
Fòrte 'd na lus
Da sbate le parpèile
Bela come giojera Tuta un monil.
Bisa ch'a ven giù
Da la montagna Drita a casca
An sl'onda
Del mar ch'a fionda
Coma foèt ij pé
Ed la montagna.
Rape de stèile an cel
Vigna 'd Nosgnor
Màgica neuit d'odor
Spantìa sota sto cel,
Tuti j 'odor dla prima
An costa neuit arbeujo
Mentre dal cheur se speujo
Tui ij sagrin ed prima.
Ròche modifiché
Oh ròche 'd nòstr
Roé Verde e bin profonde
Andava 'l vent a passa
E dlicatament a lassa
Vaga impression d'onde.
Guardo da l 'àut del brich
Vertiginose sponde
Rovej tacà a sta tèra,
Smija pa gnanca vèra
Ch'a sio così fonde.
Un vòl d'osej rasenta
An sl'orlo dl'abiss n'erbo
Peui na "picchiata" al fond
Ancora quàiche second
Ed ai mei euj as desperdo.
Tèra 'd milant'ani ...
Che t' m 'arpòrte cherdo
Al dì dl 'albor dla vita'
Tèra mia avita
Sensa 'd ti im perdo!
(Giugn 1994)