Rino Serra/Tèra mìa/05
Lum modifiché
L'hai trovà
Un vej lum
Co 'l bambas
Se lo nufio
Am fà strenze 'l nas,
Ma viscandlo la sèira per ca
Am arpòrta ai vej di 'd la vijà;
Mi m'arcòrdo coj di tant lontan
Quand mè pare e mia mare me tnisìo per man
E sortend a la sèira dòp sin-a, 's portavo a ca 'd l'avzin-a
Ancor ricòrdo
Coma fussa jer,
Quand ël vive a
L'era tant pì sincer.
Andora vivìo
Drinta 'l mè mond
Ch'a l'era sens'àutr
Mot bin pì giocond.
A la toa vivida fiama d'antlora
Ël mè cheur a palpita ancora,
Quand ij sòld a j 'ero mai basta
Quand an tre, as mangiava un piat ed pasta
Ma an compens ed salada 'd sicòria
A-i na j'era da sechete la glòria.
Son passà
Or ij temp
Ed carestìa
Ma sai pa
S'or el temp
Mej a sia
Mi sai mach
Che se tomo a col temp
Con le ali dla veja memòria
Mi sento 'l mè cheur pì content
E pòch im 'ampòrta se a l'é fàula o stòria
Mi am pias-ria torné a la lus del bambas
O per grand concession a cola del gas.
Un bel seugn la nòstra vita j'era stàita coj temp là
e ògni còsa andarà drita
I pensavo noi masnà!