Rino Serra/Le fior dël mal/162
XIV. Bin lontan da sì modifiché
A l'é costa la ca consacrà
Doa cola fija bin tapà
Tranquila e sempe preparà,
Con na man ij sen a svantava,
Ij ghëmmo ai cussin a pogiava
E 'l pior dij laghèt a scotava:
La stansa 'd Dorotea a l'é là.
-Bisa e eva a canto 'n lontanansa
Soa canson dai sangiut crasà
Për cuné cola fija vissià.
Da l'àut an bass, con cura in-mensa,
La pel ëdlicà l'é frocionà
Da euli ch'a spantio soa essensa.
Ant l'angol fior...perdo cossiensa.