La Bibia piemontèisa/Testament Vej/Salm/Salm 43
Ij Salm
modifiché43. Nosgnor! Rénd-me giustissia!
modifiché- Vàire manoscrit ebràich ëd l’età ‘d mes a buto ansema Psalm 42 e Psalm 43 ant un Salm ùnich. Salm 43 a l’é ‘l sol salm ant la sconda partission dël Salteri (Salm 32-72) ch’a l’ha gnun-a 'ntestassion. Sto fàit a sugeriss che ant l’origin a l’era la tersa session e l’ùltima dël Salm 42. Salm 43:5 a l’é identich al motiv dël Salm 42:11 e squasi idéntich al motiv an Salm 42:5.
1Nosgnor! Rénd-me giustissia[1], dësfend mìa càusa contra na nassion ch'at conòss pa[2], lìberme da 'd gent ëd fràuda e 'd malissia, 2përchè ti 't ses ël Dé ch'am dësfend e am guerna. Përché adess, nopà, më slontanes-to da ti? Përchè l'avrij-ne da marcé coma s'i portèissa 'l deul a càusa dij mè nemis ch'am gavo 'l fià? 3Arvela toa lus e toa fidelità! A saran cole-lì mia guida! A saran cole-lì ch'am faran da scòrta fin-a ch'i 'rtorna a toa montagna santa, al leugh anté ch' it ëstas. 4Antlora i andrai a l'autar ëd Nosgnor, al Dé ch'am rend argiojissant, parèj ch'i manifesta mia arconossensa a ti, Nosgnor, mè Dé, con ël son dl'arpa. 5Përchè mai tuta sta tristëssa, ànima mia? Përchè mai costa comossion? Spera an Nosgnor! Përchè ancora i rendrai grassie a mè Dé ch'a l'é 'nteressasse a feme salv!