La Bibia piemontèisa/Testament Vej/Salm/Salm 128
Salm
modifiché128. Che 'd gòj ch'a l'han coj ch'a l'han timor ëd Nosgnor
modifiché- Lë scritor a fà l'osservassion che l'òm o la fomna ch'a l'é 'n comunion con Nosgnor a fa l'esperiensa 'd na gòj génita. A l'é parèj përchè Nosgnor a j'arcompensa sèmper.
1Cant an montand. Che ‘d gòj ch'a l'han coj ch'a l'han timor[1] ëd Nosgnor Dé, coj ch'a përcoro ij sò senté. 2Ti 't godras dël frut ëd tò travaj! Coma ch'it saras prosperos! 3Toa fomna a sarà tanme na vis fosonanta ch'a fioriss an toa ca. Cand ch'a saran setà 'ntorn a la tàula, toe masnà a saran tanme 'd giovo e vigoros erbo d'uliva. 4Parèj a l'é la benedission ëd Nosgnor për coj ch'a l'han timor ëd chiel[2]. 5Che Nosgnor at benedìssa da Sion an continuassion. Che ti 't peussa vëdde Gerusalem prosperé fin a tant che ti 't vive. 6Che ti 't peussa vive pro për podèj gòde ij tò novod. Che Israel a l'àbia pas.