La Bibia piemontèisa/Testament Vej/Osea/Osea 14

←Osèa 13

La Bibia piemontèisa Osèa

Gioel 1→

La Bìbia piemontèisa - Osea 14

Osea

14

Apel a la conversion

¹Israel! Artorna al Signor tò Dé, përchè a son toe colpe ch’a l’han fate antrapé. ²Artorna al Signor e pòrtje coma n’òferta coste paròle-sì^[1]: “Përdon-a tute nòstre colpe për ch’i podoma smónte l’oferta dij nòstri làver coma s’a fusso ‘d tòr sacrificaj. ³L’Assiria a peul pa salvene e an salverà gnanca në squadron ëd cavalarìa. I diroma pa pì a l’euvra dle nòstre man ch’a l’é nòstr Dé. Përchè ch'a l'é davzin a ti che l'orfanel a treuva compassion".

Promëssa ‘d Nosgnor a Israel

⁴Nosgnor a dis: “Mi i-j varirai da soa 'nfedeltà, mi i-j vorerai bin con tut mè cheur; mia flin-a a l’é dëstornasse da lor. ⁵Mi i sarai parèj dla rosà për Israel, a gicherà parèj dël lin, e a fongrà soe rèis parèj dla rol dël Lìban. ⁶Ij sò but a së slonghëran, a l'avran lë splendrior ëd l'uliv e 'l përfum dël Lìban. ⁷Lor a tornëran a setesse a mia ombra, a faran torna possé 'l gran, fiorì la vigna, che a sarà avosà parèj dël vin dël Lìban. ⁸Efraim! Àbie pì nen da spartì con dj’ìdoj! Mi i l'esaudisso e lo vardo. I son parèj dl'arsipress che a ven verd, tò frut a ven da mi.

⁹Chi ch’a l’é pro savi për capì sòn, pro anteligent për comprendlo? Le stra 'd Nosgnor a son drite, ij giust a-i marcëran, ma coj ch’a son pa fedej as antraperan e a tombran.

Nòte

1. Na preghiera penitensial.