La Bibia piemontèisa/Testament Vej/Cronache/1Cronache 25

←1Crònache 24

La Bibia piemontèisa Ij lìber dle Crònache

1 Crònache 26→

1 Crònache

La Bìbia piemontèisa - 1 Crònache 25

25

Ij dover dij musicant

¹David e ij cap dl'armeja a l'han peui selessionà për ël servissi, an tra ij fieuj d'Asaf e d'Eman e 'd Jedoton coj che a profetisavo e as compagnavo con l'arpa, con salteri, e con cìmbali. E costì a l'é 'l nùmer ed coj che a l'ero ancaricà 'd cost ministeri.

²Dla famija d'Asaf: Zacor, Josef, Netanià e Asarela. Ij fieuj d'Asaf a salmodiavo cant profétich sota la man ëd diression dël pare, che a profetisava sota la supervision dël re^[1]. ³Dla famija 'd Jedoton: ij sò fieuj Gedalia, Zeri, Jesaia, Casabia e Matitia, ses an tut, përchè a stasio sota la dzorvision ëd sò pare Jedoton con d'arpe për profetisé, ringrassié e preghé Nosgnor. ⁴Dla famija d'Eman: ij sò fieuj Bochia, Matania, Usiel, Sebuel, Jeremòt, Anania, Anani, Eliata, Ghidalti, Romamtieser, Josbecassa, Malòti, Otir, Macasiòt. ⁵Tuti costi-sì a l'ero fieuj d'Eman, profeta^[2] dël re përchè Dé a l’avìa onoralo con quatòrdes fieuj e tre fije.

⁶Tuti sti òm-sì, cand ch’a fasìo mùsica ant la cà ‘d Nosgnor, a l’ero sota la diression dij sò pare. Soe responsabilità a comprendìo ‘l son dij cìmbali, dij salteri e dle lire, al servissi dël Templ ëd Dé. Asaf, Jedoton, Eman a rendìo cont ëd sò travaj dirèt al rè. ⁷Lor e soe famije a l’ero stàit adestrà a fé mùsica ‘dnans a Nosgnor, e minca un ëd lor, 288 an tut, a l’era ‘n musicista espert^[3]. ⁸Ij musicista a l’ero sernù për fé ij sò torn ëd servissi con un sortegg sacrà, sensa consideré s’a fusso giovo o ansian, magìster o scolé.

⁹Ël prim che a l'é tocaje la sòrt a l'era stait Josef d'Asaf. Lë scond a l'é stait Gedaliau, con ij sò fieuj e sò frej ch'a l'ero dódes. ¹⁰Ël ters Zacur; con sò fieuj e parent, dódes an tut. ¹¹Ël quart: Isri; con sò fieuj e parent, dódes an tut. ¹²Ël quint: Netaniau; con sò fieuj e parent, dódes an tut. ¹³Ël sest: Bochia; con sò fieuj e parent, dódes an tut. ¹⁴Ël sétim: Jesarela; con sò fieuj e parent, dódes an tut. ¹⁵Ch'a fà eut a l'é stait Jesaia; con sò fieuj e parent, dódes an tut. ¹⁶Ch'a fà neuv a l'é stait Matania; con sò fieuj e parent, dódes an tut. ¹⁷Ch'a fà des a l'é stait Simei; con sò fieuj e parent, dódes an tut. ¹⁸Ch'a fà óndes: a l'é stait Asarel; con sò fieuj e parent, dódes an tut. ¹⁹Ch'a fà dodes: a l'é stait Casabia; con sò fieuj e parent,dódes an tut. ²⁰Ch'a fa tërdes: a l'é stait Sobael; con sò fieuj e parent, dódes an tut. ²¹Ch'a fà quatòrdes: a l'é stait Matitia; con sò fieuj e parent, dódes an tut. ²²Ch'a fà quindes: a l'é stait Jeremòt; con sò fieuj e parent, dódes an tut. ²³Ch'a fà sëddes: a l'é stait Anania; con sò fieuj e parent, dódes an tut. ²⁴Ch'a fà disset: a l'é stait Josbecassa; con sò fieuj e frej, parent an tut. ²⁵Ch'a fà disdeut: a l'é stait Anani; con sò fieuj e parent, dódes an tut. ²⁶Ch'a fà disneuv: a l'é stait Malòti; con sò fieuj e parent, dódes an tut. ²⁷Ch'a fà vint: a l'é stait Eliata; con sò fieuj e parent, dódes an tut. ²⁸Ch'a fà vintun: a l'é stait Otir; con sò fieuj e parent, dódes an tut. ²⁹Ch'a fà vintedoi: a l'é stait Ghidalti; con sò fieuj e parent, dódes an tut. ³⁰Ch'a fà vintetre: a l'é stait Macasiòt; con sò fieuj e parent, dódes an tut. ³¹Ch'a fà vintequat: a l'é stait Romamtieser; con sò fieuj e parent, dódes an tut.

Nòte

1. La midema class ëd Sacarìa, pare 'd Gioann Batista, ël precursor.
2. O “vëggent”.
3. O “magìster cantor”.