La Bibia piemontèisa/Semantica/Sërché Nosgnor
Sërché Nosgnor
modifiché"Im sercreve e im trovreve, përchè im sercreve con tut vòst cheur, e mi im lassrai trové. I lo diso mi, ël Signor" (Geremìa 29:13).
L'espression "sërché Nosgnor" a compariss an tuta la Bibia e soens a pija la fòrma d'un comand adressà al pòpol ëd Dé. Soens ël comand a l'é 'd "serché la pas", "sërché la giustissia", ma apopré un quart ëd le vire 'l comand a l'é 'd "sërché Nosgnor". Sossì a veul nen dì che a l'avìo përdù Nosgnor e ch'a l'avìo da manca d'andé a trovelo. Sò significassion a veul nen dì che a l'avèisso mai conossulo: a l'ero stàit salvà da Chiel e a portavo Sò nòm. A significava che, combin che lor a j'ero 'l pòpol ëd Dé, la presensa e la realità 'd Dè a l'era nen evidenta. A l'avìo da concentresse an Chiel; a l'avìo da serché Dé ant soa vita 'd lor e sò culto. Serché Dé a significa orientesse anvers Dé e steje dapress, e pa nen d'àutre còse.