Dumini Badalin/Për mia mama

Artorn

Për mia mama

Mama tenme davzin.
Ancheuj a l’é toa festa
e mi i veuj sté ’n moment
ant ij tò brass,
coma quand i j’era pì masnà
e ti t’im carëssave la testa
con ij basin,
për nen vëdme pioré.
Mama tenme tacà
e ambrass-me s-ciass.
Veuj ch’it sente mia bin
calete ’nt ël cheur
e ’nt ij pensé,
e feme përdoné
le vòlte ch’i l’hai date ’d sagrin
e fé pì bela la toa festa.
Mama tenme davzin.