Sergio Donna/Poesìe pcite

Poesìe pcite

Pogieuj ch'a vardo 'l cel

Pogieuj dle ca 'd mè borgh,
pogieuj duvert sla stra,
pogieuj duvert sla vita:

son d'euj ch'a vardo an giù,
son d'euj ch'a vardo 'l cel,
blussiel quand ch'a l'é bel:

combin ch'a-i sia quàich nìvola,
l'é 'l cel dzora ca mia,
ël cel pì sclint ch'a-i sia.

9 'd giugn 2018

Mersì, o cel

Mersì, o cel,
ch'it ses vestite 'd bleu
prima dl'ambrun.

8 'd Giugn 2018

L'anciarm

'Nt l'anciarm as perd
lë sguard ëd màrmol dur
dël fier Cont Verd.

27 'd magg 2018