Sergio Donna/I vorerìa ancor pijete le man

I vorerìa ancor pijete le man

I vorerìa ancor pijete le man:
cole toe man tramblante - ij dij piegà -
scoté tute le còse mai scotà,
restand dacant a ti fin-a a doman.

I vorerìa ancor vardete ’nt j’euj,
euj bërlusernt ëd lerme quand ch’a rijo,
che da lassù, sicura, am vardo ancheuj.

Lo sai, papà, che ’l temp a passa an pressa,
girand coma la rova d’un mulin:
sarìà pro bel fërmelo, mach quàich di...

La vita as dësdavan-a com na pessa,
che quand ch’a riva ’l cò, riva la fin...
Ma coma a sarìa bel s’it fusse sì.

Scond premi al Concors «Pignaté ’d Castlamont» 2019