Sergio Donna/Bàuti

Artorn

---

Bàuti

Ël bàuti dij pensé a va sù e giù:
dandan-o le mie gòj e le mie anvìe,
balàucio le speranse e ij mè sagrin;
as pano le mie idèje come a fan

al càud dla stuva ij véder antëccà.
An pias molé le brile dij pensé:
lassé ch’am cun-o tra ilusion e pàu,
për deurbe cola pòrta sarà a ciav

ch’a pòrta andrin la stansia dla dësmentia,
ch’a l’ha dë fnestre spalancà sël cel.
I biàuto avanti e ’ndré dzora ij mè arcòrd

che arson-o dla mia vita come acòrd:
arcòrd ch’a van sù e giù come una ciòca,
për peui slinguesse an tèra come fiòca.

1m Giugn 2018

Glossario: bàuti: altalena; dandané: vacillare, oscillare; gòj: gioie; anvìe: desideri; balaucé: dondolare; pàu: paura; dësmentia: oblio; slinguesse: sciogliersi, dissolversi.