Rino Serra/Vaca fòla

Vaca Fòla

Vaca fòla a l’han ciamate
Cola rassa ‘d dësgrassià,
Coj balord ch’a l’han obligate
A mangé j’òss macinà;

Vaca fòla... nen d’autut,
Fòla l’é st’umanità
Che ‘n grupia a buta ‘d tut
Meno che l’erba dij pra.

Ij bej temp ëd le pasture
Pòre vache e-vi mai vistie?
Or v’anlevo con ponture
O av servo àutre bestie;

Mi i sai pa s’a durerà
Costa stòria ‘d vaca fòla,
I sai mach che ‘n nòsti pra,
J’é pì na vaca o furba o fòla.

Oh che mond che mond birbon
Mach pì ij sòld a conto ‘ncheu
E an fan meuire për dabon
An mangiand le vache e ij beu!