Rino Serra/La meuja

Artorn

---

La meuja

Là ‘n lontanansa la meuja,
La meuja ch’a giassa d’invern;
................................................
A bimblan-a ‘l vej sales al sofi
Pressà dël fòrt vent...
Ma la lun-a, la lun-a
Ligera e sbianchìa
Chila s’àussa trames ai sò ram,
Na càich bòja
Ant la meuja a bochìa,
Un airon...
Bëchëttand passa e va.
..................................
Lun-a lun-a...
Së specia ‘nt la meuja
Ën tra ij ram
Dël vej sales ësporì
E l’airon bëchëttand
Con pì veuja
Smija a-j disa:
Fà pì ciàir ambelessì!
................................
Bianca lun-a
An cost cel fòravia
Da la còma dël sales a sghija
E àussand-se con grand maestria
A s-ciairìa
La meuja ‘ntristìa
Meuja-cofu ‘d l’ànima mia!