Màlaga

Màlaga

S’i fussa andàit a Màlaga
sarìa nen sì
a spass tra ij baracon
dla fera dij pocio, (*)
spetand che ti,
sarà tò tirassegn,
it lasse la pòrta sbajà.
Ma am piasrìa trové,
pronta da bèive,
na copa 'd vin brulé
fumant dë spessie
e nen caprissi e posca
dla giassera:
che i l’abia gnun regret,
co'l freid ch’a-i é,
d’esse pa andàit a Màlaga.

(*) Fera dij pocio: fera ëd Sant Andrea, a Salusse, l’ùltim saba 'd Novèmber.