Remo Bertodatti/Primavera
Primavera
modifichéIt ses rivà sla boca dj'arsigneuj
e sj'ale bianche 'd mila parpajon,
possà dal vent it cante la canson
dla gòj ëd vive...
E spatarand sij pra gabasse 'd fior,
përfum ëd violëtte 'nt l'ària, scop d'avìje,
it l'has basà 'n sij branch piante fiorìe
cissand le save...
E ij ragg dël sol ch'anvisco 'l tò soris
l'han dëslaivà le fiòche 'n sij mesdì,
làver ëd tèra a bèivo 'ndrinta ij rij
la burìa dj'eve...
Oh temp dle fior... bela stagion d'amor...
it ses tornà 'nciocandme 'd bon-umor.