Remigio Bertolino/I soma al temp

I soma al temp

a mè pare

I soma al temp
che la fiòca
at lassava n'orl
ëd gòj frësca
sle scarpe a ciò.

A cantava la stërnìa
al tò pass
nìvole corovo
ant ij tö euj.
Le grondan-e a van
as visco 'd col tp.

Arson-o toe paròle
dosse 'd piemontèis
an sle muragne
anfoa s-ciuplivo.

I l'hai pa dit
a la fnestra
la lun-a quacià
sij tò cavèj candi

(Ël vent a gieuga
a s-cianché
patòle d'eva.
E fij 'd lus
spëssa 'nt la sèira).