Pier Natale Guerci/Carlevé
Carlevé
modifichéCò a l'é 'l Carlevé
A l'é un pò për dësmentié
tut lòn ch'a va nen
an cost mond teren.
Un pò coriàndole, un pò soris,
për schërsé con j'amis.
Sù, fòrsa domse da fé,
a l'é rivà ël Carlevé.
Cantoma, baloma, rioma,
e con ij barbis fàit ëd carbon,
stërmoma ij nòstr magon.
A basta pòch për arlegré
fé soride con un bel fé,
spòrsend ël bicèr ëd vin
a j'amis per fé cincin.
Sù, fòrsa domse da fé,
a l'é rivà ël Carlevé,
rioma, baloma,
e për finì, cantoma.
Come a l'é bel ël Carlevé!