Milo Bré/Sla crosiera ‘d mè cheur
Sla crosiera ‘d mè cheur modifiché
L’Anvod dij Bre
Dédica:
A Druent:
mè pais ch’a-i é pì nen.
He visto un arrabal infinito
donde se cumple una insaciada
inmortalidad de ponientes…
(Jorge Luis Borges)
I l’hai vëddù na contrà sensa orisont
dova ch’as leva eterna
na sequensa mai finìa ‘d tramont…
Color tramont modifiché
Color tramont an sle ca ‘d mè pais:
tinta fata d’un’alba d’òr svanìa
sle cicatris dij seugn masnà:
ùltima lus che a cola
dësmortandse sla crosiera ‘d mè cheur.
Sl’ambaj ëd j’uss modifiché
Im figuro ij mè Vej sl’ambaj ëd l’uss
a serché ‘n tòch ëd cel përfum d’amson:
ël creus dla man daré dl’orija a cheuje
motiv svanì slë strabuché dij chèr.
J’eve a rijìo… modifiché
J’eve a rijìo antorn le man dle fomne
ch’a arzentavo lëssìe odor ëd sënner:
l’anvìa dël sol an sël lusor dij brass
e an broa ai sen përfum ëd masnà cite.
Ël sol giugava a deurme… modifiché
Ël sol giugava a deurme e a s’andurmìa – giugn tard ëd sèira – e ‘l baticheur dorà dle lusentele vnisìa a marché la cioenda antorn a l’èira. </poem>
Mè pais com në specc… modifiché
Mè pais com në specc
ch’a l’han fleciaje andrinta:
inùtil vad sercandje mia figura.
Mè pais i é mach pì drinta mè cheur
e là ‘nt ël simiteri
dnans la Gesia ch’a dròca!
Ij Brandé – Armanach ëd Poesìa piemontèisa, 1986