Marie Thérese Pillone/Antiquarià

Artorn

---

Antiquarià

Negòssi d’antiquarià,
andoa ël temp vilan
fà vëddi le soe rùpie
sensa pudor ne pietà.
Duvertand cole pòrte
as vèd ëd còse mòrte
che le mòde impietose
rendo tant pressiose.
Boteghe ëd l’abandon,
mercà ëd còse tristi,
campà lì sij bancon
am fan vnì ’l magon.
Fan tute part dij ringret,
ëd le speranse svanìe.
D’un mond përdù
che mai tornerà
përchè l’é na part
dël nòstr passà.