| “
|
Ritin, toe litrine d'papé verd,
color dle... mie sacòcie e dle speranse,
për mi, ch'it veuj tant bin, a l'han le nuanse
dij fior dla matinà pen-a duvert.
J'é queich eror d'gramàtica ch'as sent,
ma «...'nt un bietin d'amor d'na bela fija
j'eror son ij sospir ëd la Poesìa».
L'ha dilo 'n roba-cheur dël bel Set-sent.
Quand che la sèira a cala e a-i ven la lun-a
a carësseme j'euj ch'a l'han piorà,
mi, che j'ricòrdo a ment un-a për un-a,
toe litrine i-j ciamo a fé la vijà:
l'ànima seugna an brass al sentiment
...e le paròle a van, portà dal vent.
|
”
|
