Luis Olivé/Ciàir ëd lun-a

Ciàir ëd lun-a

FREDERIC CHOPIN:
Notturno in si bemolle, op. 15, n. 1

Ant la neuit ëd mè cheur
un arsigneul a canta.
Sle ròche a scriv, na pianta,
paròle-ombre 'd boneur.

Mia casòta al ciairdlùn-a
splend con muraje 'd fiòca.
La lun-a a l'é na ciòca
'd cristal che ant l'ària as cun-a.

Dée dij cavéj d'amel
danso ant la neuit seren-a.
Më stisso ant ògni ven-a
rozà-armonìe dël cel.
Arpe 'd cavèj d'amel.

Neuit. Arsigneul. Casòta.
Na stèila, ant mia cossiensa,
d'immensa trasparensa.
Pi gnun romor ëd lòta.
Pas ëd tomba... ò 'd casòta?

Monserà, lui 1959

Da Realismo lirico N° 47 1961