Luciano Ravizza/Natal 2020
Natal 2020
modifiché(Parlada astesan-a)
As dis che ij vegg sòn cmé ër masnà,
e mè che j’heu compì na certa età
scasi masnà sòn dventà.
Paraj për Natal, j’heu decidì;
iss st’ann al Bamben na lettra
a la scriv adcò mi!
Me car Gesù Bamben,
te che at nassi ’n cola stala,
ansima a col pajòn an cola neucc
scaudà da n’aso e ’n beu
fami ’n gròss piasì
pòrt-mi ’n col fagotèn
o regal pì bël che a j’é:
fà sparì sa pandemìa
che ’l mond a ra sbaruvà,
fà che noi pòver tò devòt
peusso për samp
disfesna d’is brut fagòt!