Lorenzo Magrassi/Gioventù

Gioventù

Mata ch'at bali an poncia dij pè
an sël palchèt dla gioventù pì bela,
la tò aligría la bala con mi stassèira!
Gav-mi sa ruso dal cheur,
di na vestimenta neuva
par in moment ëd festa
e in soris par creubi
sa facia rupìa 'd tristëssa!
Balreu com ti,
angavgnanda 'nt in virolin algèr
ij mè crussi
e campand-ti ant ij brass
ij moment di sa vitta ampassìa.