Laudari piemontèis/A sosta ‘d Toe man sante
4. A sosta ‘d Toe man sante
modifiché
A sosta ‘d Toe man sante
I pòso tut mè cheur,
Sle piaghe sangonante
I pòso ij mè maleur…
Ai pé dla Cros i ven-o
A spòrse ij mé pecà,
a Toa promëssa im ten-o
për amploré pietà.
Ël mond, mar an tempesta,
Seufr ant la neuit dël mal.
Nosgnor Toa cros a resta
L’ùnica stra che a val…
Ant ij Tò brass bandon-o
Ël mé passà e l’avnì…
Tut lòn che i son, të smon-o:
chè it lo trasforme an Ti…