La Bibia piemontèisa/Testament Vej/Salm/Salm 65
Ij Salm
modifiché65. La làuda a të speta an Sion
modifiché- Ël Salmista a làuda Nosgnor përchè ch’a përdon-a ij pëccà e a benedìss sò pòpol con un mësson fosonant.
1Për ël magìster dël còro. Na canson. Un Salm ëd David. Nosgnor! La làuda a të speta an Sìon. Ij vot ch'at j'ero fàit a-i son compì. 2A l’é là che ti të scote le preghiere; a ti tut ël pòpol[1] as avzin-a. 3Nòstri pëccà a son un pèis ch'an crasa, ma davzin a ti i trovoma përdon. 4Che 'd boneur ch'a l'ha col ch'it fase avzinesse[2] a ti e it j'acòrde 'd vive ant le cort ëd tò palass[3]! Che nòjàutri i treuvo sodisfassion ëd pianta ant le còse 'd toa ca, tò palass. 5Ti 't risponde a nòstre preghiere con d'assion magnìfiche 'd liberassion! Nosgnor! Nòst Salvator! Fin-a le gent ant le part pì lontan-e dla tèra a l'ha nfiusa[4] 'n ti, e 'dcò coj ch'a vivo[5] da l'àutra part ëd l'ocean.
6Con toa gran potensa ti 't l'has creà le montagne e mostrà toa fòrsa. 7Ti t'ambonisse la furia dij mar e 'l breugg ëd soe onde, e 'dcò la turbolensa[6] dle nassion. 8Fin-a coj ch'a vivo ant le part le pì leugne dla tèra a son ësburdì da lòn ch'it fas. Da 'ndoa che 'l sol a sponta fin-a a 'ndoa ch'a cala as sento alvesse 'd crij 'd làude për ti. 9Ti 't pije soen ëd la tèra e it jë das d'eva; ti 't la fase rica e drua con ëd rivere ch’a dësbòrdo d'eva. 10Mojà a son lë tëppe e ambibìa la tèra laurà. Con ëd pieuva ti 't rende molzin ël seul e ti it fase chërse fosonant ël mësson. 11Ti 't coron-e j'anade con toe benedission bondose e fin-a ij violèt pì dur a foson-o 'd toa bondansa. 12Le pasture ant ël desert a sbërluso dë stisse d'ùmid, e le colin-e a son quatà 'd gòj. 13Ij prà a son arvestì djë strop, e le val a son quatà 'd gran. A crijo 'd gòj, eh, a canto!