La Bibia piemontèisa/Testament Vej/Salm/Salm 124
Salm
modifiché124. Còsa sarìa-lo rivane se Nosgnor a fussa nen ëstait da nòstra part?
modifiché- Israel a arconòss che Nosgnor a l'ha liberalo da 'n disastr sicur.
1Càntich ëd pelerinagi. Arferì a Dàvid. Còsa sarìa-lo rivane se Nosgnor a fussa nen ëstait da nòstra part? 2Che tut Israel a l'arpeta: 'Còsa sarìa-lo rivane se Nosgnor a fussa nen ëstàit da nòstra part cand ch'i j'ero atacà dai nòstri nemis?'. 3An soa furia afoà lor a n'avrìo angorgionane viv. N'inondassion a l'avrìa ramassane via complèt. N'arianass a l'avrìa portane vìa. 4Vera, d'aque furiose a l'avrio dël tut scancelane da la facia dla tèra. 5Ch'a sia benedì Nosgnor che ij sò dent ëd lor a l'han pa fane a toch! 6I soma scapà via tanme n'osel da la tràpola dël cassador. La tràpola a l'é s-ciapasse e adess i soma lìber! 7Nòstr agiùt a l'é 'Nosgnor[1], col ch'a l'ha fàit ël cel e la tèra.
Nòte
modifiché- ↑ O “ël nòm ëd Nosgnor”.