La Bibia piemontèisa/Testament Vej/Salm/Salm 112

←Salm 111

La Bibia piemontèisa Ij Salm

Salm 113→

Ij Salm

La Bìbia piemontèisa - Salm 112

112. Ël timor dë Dio a dà boneur

Cost Salm sapiensial a fà na lista dij benefissi ch’a ven-o da na vita conform a la volontà ‘d Nosgnor. Scond lë stil ëd la poesìa ebràica a séguita ‘l model ëd na frase për minca na litra dl’abecé ebràich.

¹Laudé Nosgnor!^[1]! Ël timor dë Dio a dà boneur, l'istess për coj ch'a han piasì dij sò comandament! ²Soa dissendensa ‘d lor a l’avrà na bon-a riussìa an tut lòn ch’a fà^[2]. Na generassion antrega ‘d gent ëd pietà^[3] a sarà benedìa. ³A soa ca a l’avran ëd richëssa e d’abondansa. Soa bontà a dura për sèmper. ⁴Për la gent ëd pietà la lus a splendriss ant lë scur. A son ëd gent compassionèivola, benigna e giusta. ⁵A-i ven dël bin a coj ch’ amprësto ‘d sòld ëd manera generosa e a fan ij sò afé con onestà. ⁶Ëd gent tanme cola-lì a sarà mai crasà dal mal e për tant temp as arcordrà ‘d lor. ⁷A l’han nen tëmma ‘d cative neuve. A l’han fiùsa che Nosgnor a-j giutrà sèmper. ⁸A l’é ‘d gent fiososa e sensa tëmma e a peulo dësfidé ij sò nemis sicur ëd trionfene. ⁹A compartisso lòn ch’a l’han e a son generos con coj ch’a son ant lë bzògn^[4]. Soe bon-e euvre a saran arcordà për sèmper. A peudo aussé la testa pien ëd glòria. ¹⁰Ij gram ch’a vëddo tut lolì a në saran anfurià. Con rabia lor a argrignëran ij dent. J’ambission dij gram a finiran an nen.

---

¹Aleluja!

[Àlef] Ël timor dë Dio a dà boneur,

[Beth] l'istess për coj ch'a han piasì dij sò comandament! ²

[Ghimel] Soa dissendensa ‘d lor a l’avrà na bon-a riussìa an tut lòn ch’a fà.

[Dalet] Na generassion antrega ‘d gent ëd pietà^[3] a sarà benedìa.

³[He] A soa ca a l’avran ëd richëssa e d’abondansa.

[Vau] Soa bontà a dura për sèmper.

[Zain] ⁴Për la gent ëd pietà la lus a splendriss ant lë scur.

[Het] A son ëd gent compassionèivola, benigna e giusta.

[Tet] ⁵A-i ven dël bin a coj ch’ amprësto ‘d sòld ëd manera generosa e

[Iod] a fan ij sò afé con onestà. [Caf] ⁶Ëd gent tanme cola-lì a sarà mai crasà dal mal.

[Làmed] e për tant temp as arcordrà ‘d lor.

[Mem] ⁷A l’han nen tëmma ‘d cative neuve.

[Nun] A l’han fiùsa che Nosgnor a-j giutrà sèmper.

[Sàmech] ⁸A l’é ‘d gent fiososa e sensa tëmma e

[Ain] a peulo dësfidé ij sò nemis sicur ëd trionfene.

[Pe] ⁹A compartisso lòn ch’a l’han e a son generos con coj ch’a son ant lë bzògn.

[Tsade] Soe bon-e euvre a saran arcordà për sèmper.

[Qof] A peudo aussé la testa pien ëd glòria.

[Res] ¹⁰Ij gram ch’a vëddo tut lolì a në saran anfurià.

[Sin] Con rabia lor a argrignëran ij dent.

[Tau] j’ambission dij gram a finiran an nen.

Nòte

1. O “Aleluia!".
2. O “a sarà grand ant ël pais”.
3. O “ëd giust”.
4. Cfr. 2 Corint 9:9.