La Bibia piemontèisa/Testament Vej/Salm/Salm 101
Ij Salm modifiché
101. I canterai ëd toa misericòrdia e ‘d toa giustissia modifiché
- Ël rè a fà la promëssa ‘d cissé la pràtica dla giustissia an sò pais e d’eliminé tùit ij malfasent da soa cort regal.
1Un salm ëd David. I canterai ‘d toa misericòrdia e ‘d toa giustissia. Nosgnor! I ’t canterai ‘d làude. 2I sarai diligent a vive na vita sens’ arpròcc - cand é-lo che ti ‘t vniras a giuteme? 3I tnirai gnanca ‘n considerassion ëd fé lòn ch’a l’é dzonest[1]. Fé ‘d mal a l’é cheicòsa ch’i l’hai an ghignon. I veuj avej pa da fé con dij mërcant dzonest. 4I stago bin da leugn da la gent përversa. I l’avrai gnun-a toleransa për ël mal. 5Coj ch’a diso ‘d maldicense an secret anvers cheidun i-j sopòrto pa. I l’hai gnun-a passiensa anvers ëd coj ch’as compòrto ‘d manera aroganta e ch’a son prepotent. 6Ij mè amis a saran mach la gent onesta dël pais[2]: gnun d’àutri a podrà steme dacant. A mè servissi a podran ësté mach coj ch’a son costumà e a pòst. 7Ij trasson a podran pa steme dantorn an mè palass. Ij busios a saran pa ij bin-ëvnù an mia presensa. 8Tùit ij di a sarà mè angagg precis d’identifiché chi an mè regn a l’é përvers e dzonest. Tùit ij malfasent a saran sùbit ëslontanà da la sità ‘d Nosgnor.