La Bibia piemontèisa/Testament Vej/Genesi/Genesi 10

←Genesi 9

La Bibia piemontèisa Genesi

Genesi 11→

Génesi

10

Tàula dij pòpoj

La Bìbia piemontèisa - Génesi 10

¹Costa-sì a l’é la lista genealògica dij dissendent ëd Sem, Cam e Iafet, fieuj ëd Noè, la gent ch'a l'é nassuje apress ël diluvi.

²Ij dissendent ëd Iafet a son: Gomer, Magog, Madai, Iavan, Tubal, Meshech e Tiras. ³Ij dissendent ëd Gomer a son: Aschenaz, Rifat e Togarma e ⁴ij dissendent ëd Iavan a son: Elisa, Tarsis, le gent ëd l'ìsola 'd Cipro e cola 'd Ròdi. ⁵Da lor a ven-o ij pòpoj ch’a son ëspantiasse për le region marìtime, ognidun ant ij sò teritòri e scond ij sò lineagi e scond soe famije ant soe nassion.

⁶Ij dissendent ëd Cam a son: Cush, Egit^[1], Put e Canan. ⁷Ij dissendent ëd Cush a son: Sheba, Avila, Rama e Sabteca. Ij dissendent ëd Rama a son: Saba e Dedan. ⁸Cush a l’era ‘dcò l’antich ëd Nimrod, ch’a l’era stàit ël prim vajant guerié an sla tèra. ⁹Dàit che chiel a l’era ël pì grand cassador dël mond, sò nòm a l’é dventà proverbial. A l’é për lòn che la gent a dis: “Sto-sì a l’é tanme Nimrod, ël pì grand cassador dël mond”. ¹⁰Nimrod a l’avìa stabilì sò regn ant la tèra ‘d Babilònia; con le sità ‘d Babilònia, Erech, e Calne. ¹¹Da là chiel a l’avìa slargà sò teritòri fin-a a l’Assiria, e a l’avìa edificà le sità ‘d Ninive, Reobot-Ir, Cala, ¹²e Resen (la gran sità ch’a sta an tra Ninive e Cala). ¹³Egit a l’é l’antich ëd la gent ëd Lud, Anam, Leab, Naftua, ¹⁴Patros, Caslua e Caftor, d’anté a son surtì ij Filisté.

¹⁵Canan a l’é 'l pare ‘d Sidon, sò prim-génit, e d’Het^[2], ¹⁶e l’antich ëdcò dij Gebusita, j’Amorita, ij Ghirgasita, ¹⁷j’Evita, j’Archita, ij Sinita; ¹⁸j’Arvadita, jë Zemarita, e j’Amatita. Pì tard lor a son dësperdusse an tra ij Cananita ¹⁹e sò teritòri a l'era slargasse da Sidon fin-a a Gherar e Gasa, e dcò an diression ëd Sòdoma, Gomora, Adma e Zeboim, fin-a a Lasa. ²⁰Tui sti-sì a son ij dissendent ëd Cam, con ij sò lineagi e lenghe, ij teritòri e le nassion.

²¹ Dcò Sem, frel grand ëd Iafet, a l’ha avù na dissendensa. Chiel a l’era l’antich d’Eber e ‘d tùit ij sò dissendent. ²²Ij dissendent ëd Sem a son: Elam, Assiria, Arfasiad, Lud e Aram. ²³Ij dissendent d’Aram: Us, Hol, Gheter, e Mas. ²⁴Arfasiad a l’era l’antich ëd Sela, e Sela col d' Eber. ²⁵Eber a l’avìa doi fieuj: ël prim as ciamava Pelegh, përchè, ant ël temp ëd soa vita, la popolassion ëd la tèra a l'era spartìsse an vàire partie ëd lenghe; sò frel as ciamava Ioctan. ²⁶Ioctan a l’era ‘l pare d’Almodas, Selef, Casarmavet, Gera; ²⁷Adoram, Usal, Dicla, ²⁸Obal, Abimael, Sheba, ²⁹Ofir, Avila e Giobab. Tuti sti-sì a j’ero ij fieuj ëd Ioctan. ³⁰Sò teritòri as dëstendìa da Mesa fin-a a Sefar, region ëd montagna dl’orient. ³¹ Tuti sti-sì a son ij dissendent ëd Sem, con ij sò lineagi e lenghe, an teritòri e an nassion.

³²Sti-sì a son ij dissendent ëd Noè con ij sò lineagi, le nassion e liste genealògiche. Da ste-sì a ven-o le nassion che peui a son dësperdusse për la tèra apress dël diluvi.

Nòte

1. O Mizraim.
2. O “J’Hitita”.