La Bibia piemontèisa/Testament Vej/Deuterocanonich/Stòria 'd Susan-a/Introdussion
Introdussion
modifichéLa stòria 'd Susan-a, contnùa ant ël capìtol 13 ëd Daniel ant la version greca (Septuaginta) a l'é 'n test deuterocanònich ch'a fa nen part dël test masorètich ebràich e për lòn a l'é nen anserì ant la Bìbia ebràica.
La stòria as còloca a Babilònia e a conta 'd Susan-a, na fomna ebrèa marià a n'òm influent për nòm Ioakim. Soa blëssa a tira l'atension ëd doi vej giùdes che, consumà da la lussùria, a complòto për anciarmela. Cand che Susan-a a arfuda soe proferte, ij doi l'acuso faussament d'adulteri, un crimen che, conform a la Lege mosàica a l'é punibil con la mòrt. Pròpi l'ora ch'a sarìa stàita condanà, Susan-a a prega Nosgnor, ch'a-j rëspond con l'intërvension dël giovo Daniel. Con saviëssa, Daniel a dëscheuvr ël complòt ëd coj giùdes, e lor a subisso la sòrt midema ch'a l'avrìo dàita a cola fomna.