La Bibia piemontèisa/Testament Vej/Deuterocanonich/Preghiera d'Azaria e Cantich ant la fornasa

La Bibia piemontèisa Ij Deuterocanònich

Introdussion

La preghiera d'Asarìa e 'l càntich dij tre giovo

(Adission a Daniel, anserì an tra 3:23 e 3:24)

La preghiera d'Asaria ant la fornasa

¹Lor a marciavo an tra mes ëd le fiame, an laudand Dé e an benedicend Nosgnor. ²Asaria, aussàndse, a l’ha fàit ësta preghiera d’an mes dël feu e a l’ha dit a àuta vos:

³‘’Benedet it ses ti, Nosgnor Dé dij nòstri cé; degn ëd làuda e glorios a l’è tò nòm për sèmper. ⁴Ti ‘t ses giust an tut lòn ch’it l’has fàit ; tute toe euvre a son vere, drite a son toe stra e giusti j tò giudissi. ⁵Tò giudissi a l’è giust për lòn ch’it l’has fàit artombé dzora ‘d nojàutri e an sla sità santa dij nòstri antich: Gerusalem. Con vrità e giustissia ti ‘t l’has dane tut sòn për motiv dij nòsti pecà, ⁶përchè noi i l’oma pëccà, i l’oma fàit d’iniquità, an slontanàndse da ti, i l’oma mancà ‘n tute le manere. I l’oma pa ubidì ai tò comandament. ⁷ I l’oma pa guernaje, sensa fé lòn ch’it l’avìe comandane për nòst bin. ⁸Adess, tut lòn ch’it l’has fàit artombé dzora ‘d nojàutri, tut lòn ch’it l’has fane, it l’has falo con giudissi ‘d dritura: ⁹it l’has dane an podèj dij nòstri nemis, angiust, ij pì gram dij përvers, e d’un rè d’iniquità, ël pì gram dzora ‘d tuta la tèra. ¹⁰Ore ‘s n’ancaloma pa a doverté boca: dzonor e dëspresi a l’han sesì ij tò servent, ij tò adorator. ¹¹Va pa a chitene ‘d pianta, për grinor ëd tò nòm, sfrisa nen toa aleansa. ¹²Për grinor d’Abraham tò amis, d’Isach, tò servent, d’Israel tò sant: tira pa ‘ndaré toa misericòrdia; ¹³ti ‘t l’avìe parlaje, an promëtténdje ‘d moltipliché soa rassa parèj dj’ëstèile dël cel, tanme la sabia an sla riva dël mar. ¹⁴Nopà ore, Nosgnor, nojàutri i son vnùit a esse pì pcit ëd qualsëssìa d’àutra nassion, adess noi i soma umilià për tuta la tèra a motiv dij nòstri pecà. ¹⁵I l’oma pa pì ‘d prinsi, nì cap, nì profeta, nì olocàust, nì sacrifissi, nì oblassion, nì d’ancens, nì leu për smonte primissie e trové ‘d misericòrdia. ¹⁶Podèisso mai esse acetà con cheur ëd contrission e spìrit umilià, parèj d’olocàust ëd tòr e moton, tanme milen-e ‘d grass babero. ¹⁷ Përparèj a sarà ancheuj nòst sacrifissi dë 'dnans ëd ti e ch’at sia ‘gradì, përchè a l’han pa confusion coj che a l’han fiusa an ti. ¹⁸Adess nojàutri ‘t seghitoma con tut nòst cheur, i l’oma tëmma ëd ti e anvìa ‘d tò visagi. ¹⁹Fane con nojàutri conform a toa clemensa, tràtne scond toa binvolensa, conform la grandëssa ëd toa misericòrdia. ²⁰Salvne con ij tò portent, daje glòria, Nosgnor , a tò nòm. ²¹Nopa, ch’a resto confondù tui coj ch’a fan ëd mal ai tò sërvent, ch’a sio sotrà d’onta con tuta soa potensa; che soa fòrsa a sia sfrisà. ²²Ch’as rendo cont ch’it ses ti ël Signor, ël Dé ùnich e glorios dëdzora ‘d tuta la tèra”.

Càntich dij tre giovo

²³Ij servitor dël rè, ch’a l’avìo campaje andrinta, a chitavo pì d’aumenté ël feu dla fornasa con ëd bium, strobia, apèis e sarmente. ²⁴La giolà a s’alvava ëd quaranta cùbit dzora dla fornasa ²⁵e a l’è andàita fin-a a brusé coj Caldé ch’as trovavo aranda dla fornasa. ²⁶Ma l’àngel ëd Nosgnor, ch’a l’era calasse con Asaria e ij sò compagna nt la fornasa, a l’ha slontanà la fiama dël feu, ²⁷an fasend esse la part andrinta dla fornasa parèj d’un leu dova a bofèissa n’òra satìa ‘d rosà. Parèj che ‘l feu a l’ha nen tocaje ëd pianta, sensa feje dël mal, sensa deje gnun-a moléstia. ²⁸Anlora coj giovo, coma na vos sola, a son butasse a laudé, a glorifié, a benedì Dé ant la fornas an disend:

²⁹“Benedet it ses ti, Nosgnor, Dé dij nòsti grand, degn ëd làuda e ‘d glòria anti j sécoj. ³⁰ Benedet tò nòm glorios e sant, degn ëd làuda ant ij sécoj. ³¹ Benedì it ses ti ant ël templ ëd toa glòria santa, për esse esaltà e glorificà për sèmper. ³²Benedet it ses ti ch’it pénetre con ël beich ij balatron e it ses ëstà an sij cherubin, degn ëd làuda e ‘d glòria ant ij sécoj. ³⁴Benedet it ses ti ant ël firmament dël cel, degn ëd làuda e ‘d glòria ant ij sécoj. ³⁵Benedì, euvre tute dël Signor, Nosgnor, laudelo e esaltelo ant ij sécoj. ³⁶ Benedì' 'l Signor, vojàutri ij cej; canté 'd làude a chiel e esaltelo per sèmper. ³⁷Benedì, àngej dël Signor, Nosgnor, laudelo e esaltelo ant ij sécoj. Benedì, cej, Nosgnor, laudelo e esaltelo ant ij sècoj. ³⁸Benedì, eve tute, ch’i seve dzora dij cej, Nosgnor, laudelo e esltelo ant ij sécoj. ³⁹Benedì, potense tute ‘d Nosgnor ël Signor, laudelo e esaltelo ant ij sécoj. ⁴⁰Benedì, sol e lun-a, Nosgnor, laudelo e esaltelo ant ij sécoj. ⁴¹Benedì, stèile dël cel, Nosgnor, laudelo e esaltelo ant ij sécoj.

⁴²Benedì, pieuva, e rosà, Nosgnor, laudelo e esaltelo ant ij sécoj. ⁴³ Benedì, tùit ij vent, Nosgnor, laudelo e esaltelo ant ij sécoj. ⁴⁴Benedì, feu e calor, Nosgnor, laudelo e esaltelo ant ij sécoj. ⁴⁴ Benedì, frèid e càud, Nosgnor, laudelo e esaltelo ant ij sécoj. ⁴⁵Benedì, galaverna e seren-a Nosgnor, laudelo e esaltelo ant ij sécoj. ⁴⁶Benedì, gèil e ginich, Nosgnor, laudelo e esaltelo ant ij sécoj. Benedì, giassa e fiòca, Nosgnor, laudelo e esaltelo ant ij sécoj. ⁴⁷ Benedì, neuit e di, Nosgnor, laudelo e esaltelo ant ij sécoj. ⁴⁸Benedì, lus e top, Nosgnor, laudelo e esaltelo ant ij sécoj. ⁴⁹ Benedì Nosgnor, giassa e fiòca. canté 'd làude a chiel e esaltelo ant ij sécoj. ⁵¹Benedì, lòsne e nìvole, Nosgnor, laudelo e esaltelo

⁵²Che la tèra a benedissa Nosgnor, ch’a lo làuda e a lo esàlta ant ij sécoj. ⁵³Benedì, colin-e e montagne, Nosgnor, laudelo e esaltelo ant ij sécoj. ⁵⁴Benedì, erbo tuti ch’i bute an tèra, Nosgnor, laudelo e esaltelo ant ij sécoj. ⁵⁵Benedì, mar e fium, Nosgnor, laudelo e esaltelo ant ij sécoj. ⁵⁶Benedì, sorgiss tute, Nosgnor, laudelo e esaltelo ant ij sécoj. ⁵⁷Benedì, pess grand e pcit, Nosgnor, laudelo e esaltelo ant ij sécoj. ⁵⁸Benedì, oslin tuti, Nosgnor, laudelo e esaltelo ant ij sécoj. ⁵⁹Benedì, bestie ferose e strop, Nosgnor, laudelo e esaltelo ant ij sécoj.

⁶⁰Benedì, vojàutri tùit j’òm, Nosgnor, laudelo e esaltelo ant ij sécoj. ⁶¹Benedì, vojàutri Israelita, Nosgnor, laudelo e esaltelo ant ij sécoj. ⁶²Benedì,vojàutri ij sacerdòt dël Signor, Nosgnor, laudelo e esaltelo ant ij sécoj. ⁶³Benedì, voi ch’i serve ‘l Signor, Nosgnor, laudelo e esaltelo ant ij sécoj. ⁶⁴Benedì Nosgnor, spiriut e ànime dij giust, Nosgnor, laudelo e esaltelo ant ij sécoj. ⁶⁵ Benedì, pòver e sant dë 'dnans ëd Dé, Nosgnor, laudelo e esaltelo ant ij sécoj.

⁶⁶Benedì, Anania, Asaria e Misael, Nosgnor, laudelo e esaltelo ant ij sécoj. Chiel a l’ha liberane dal regn dij mòrt e salvà da sò podèj Chiel a l’ha fane seurte da la fornasa anvisca protegénde dal feu. ⁶⁷Ringrassié Nosgnor për sò grinor: sò amor a durerà për sèmper! ⁶⁸Tuti vojàutri ch’i-j veule bin a Nosgnor, laudé ‘l Dé dij dé: Canté e ringrassielo, përchè soa misericòrdia a dura për sèmper!”.