La Bibia piemontèisa/Testament Vej/Cronache/1Cronache 9
1 Crònache
modifiché1Tuta Israel a l'era staita anregistrà conform a soe genealogìe e tuti a son ëstait ëscrivù ant ël Lìber dij Rè d'Israel.
La comunità ‘d Gerusalem apress dl’esili
modifichéLa gent ëd Giuda a l’era staita deportà a Babilònia për motiv ëd soe anfedeltà. 2Ij prim ch’a son torna stabilisse an soe possession e sità a l'è stàita la gent dël pòpol, ij sacerdòt, ij Levita e ij sërvent dël Templi. 3Parej che an Gerusalem a son ancaminasse a steie, nen mach ëd gent ëd Giuda, ma dcò da Beniamin, Efraim e Manasse[1].
4Dël clan ëd Peres, fieul ëd Giuda: Utai, fieul d'Amicud, ël fieul d'Omri, fieul d'Imri, fieul ëd Bani. 5An tra ij Silonita: Gnasaia ël prim-génit e ij sò fieuj. 6An tra ij Zerachita: Jeuel e ij sò frej: an tut sessentenovanta.
7Dla tribù ‘d Beniamin: Salu, fieul ëd Mesulam, fieul d'Odaja 'l fieul d'Assenua; 8e Ibneia, ëd Jerocam; Ela fieul d'Osi, fieul ëd Micri; Mesulam fieul ëd Sefatia, fieul ëd Reuel, fieul d'Ibnia. 9Ij sò frej, conform a soe genealogie a l'ero an tut 956: tuti cap ëd soe famije.
10An tra ij sacerdòt: Jedaia; Jeoiarib; Jachin; 11Asaria, fieul d'Elchia, ël fieul ëd Mesulam, fieul ëd Sadòch, fieul ëd Meraiòt, fieul d'Achitub, prefet an cària dël Templi 'd Nosgnor. 12E peui Adaia, fieul d'Ierocam, fieul ëd Pascur, fieul ëd Malchia, e Masai, fieul d'Adiel, fieul d'Iacsera, fieul ëd Mesulam, fieul ëd Mesilemit, fieul d'Imer. 13Ij sò frej, cap dij sò casà, a l'ero 1760, tuti òm pì che valid e dedicà al servissi dël Templi 'd Nosgnor.
14An tra ij Levita: Semaia, fieul d'Assub, fieul d'Assub, fieul d'Asicram, ël fieul ëd Cassabia, dij dissendent ëd Merari; 15Bacbacar, Cheres e Galal; Matania fieul ëd Mica, fieul ëd Zicri, fieul d'Asaf; 16Obadia fieul ëd Semaia, fieul ëd Galal, fieul ëd Jëdutun; e Berechia fieul d'Asa, fieul d'Elcana ch’a stasìa ant le borgià dij Netofatita.
17An tra ij guardian: Salum, Acub, Talmon, Achiman e ij sò frej; Salum a l'era 'l cap. 18Parej a l'é restà fin-a 'l di d'ancheuj: guardian a la Porta dël rè a levant. Costi-sì a son stait ij guardian dj'acampament dij Levita. 19Salum fieul ëd Core, fieul d'Ebiasaf, fieul ëd Corach e ij sò frej ij Corachita, dla casà 'd sò pare, ch’ a fasìo servissi ‘d vigilansa dlë scòss dla Tenda, parej come che ij sò grand a l'avìo guernà l'intrada dël Camp dël pòpol ëd Nosgnor. 20Pincas, fieul d'Eleasar, a l'era stait cap anans ëd tuti lor. Che Nosgnor a sia con chiel! 21Zëcaria, fieul ëd Mësselemia, a l'era stait guardian a l'intrada dla Tenda dël Rëscontr.
22Tuti costi-sì, sernù për esse ‘d guardian dlë scòss, a l'ero dosentedódes. Tuti a l’avìo anregistrasse ant le genealogie 'd soe borgià. A l'ero stait ëstabilì ant ël servissi permanent da part ëd David e ‘d Samuel, ël Vident, pròpi për soa fedeltà ‘d lor. 23Lor e ij sò fieuj a l'ero stait costituì a la guerna dla Ca 'd Nosgnor, visadì la Ca dla Tenda. 24Ij guardian a stasìo a le quatr intrade: a Orient, a Ponent, a Tramontan-a e Mesdì. 25D’àutri guardian, ch’a vivìo an soe borgià rispetive, i-i andasio për torn a giuteje na sman-a pr’ un. 26Ij quatr guardian prinsipaj, nopà, a j’ero ‘d Levita an servissi permanent, e a guernavo le stansie e ij tesòr dla Ca 'd Nosgnor. 27Lor a passavo la neuit dantorn dël templi, përch'a l'avìo la guerna e l'ancàrich ëd soa dovertura tute le matin. 28D'àutri a l'avìo la responsabilità dj'asi litùrgich, ch'a contavo ant ël moment che a-i portavo fòra e peui cand che a-j butavo a sò post. 29D'àutri ancora a l'avìo la guerna dj'utiss e ròbe dël Santuari, da la farin-a, ël vin, l'euli, l’ancens e ij përfum; 30contut che coj ch'a prontavo j'essense aromatiche për ij përfum a l'ero tuti dla dissendensa dij sacerdòt. 31Matitia, an tra ij Levita, prim-génit 'd Salum, a l'avìo daje la carga permanenta 'd pronté j’oferte ‘d farin-a cheuite ant le peile. 32D'àutri, an tra ij sò parent, dël clan ëd Coat, a l'ero stait ancaricà 'd pronté 'l pan dl'oferta për minca un saba.
33Cheidun dij cantor, cap ëd famija an tra ij Levita, ch’a stasìo ant le stansie drinta dël templi, a l'ero lìber da d'àutri travaj, përchè angagià neuit e di an sò servissi. 34Costi a j’ero ij cap dle famije 'd Levi, conform a soe genealogìe, ch’a stasio a Gerusalem.
Genealogia 'd Saul predecessor ëd David
modifiché35A Gibeon a-i j'ëstasìa 'l pare 'd col ch'a l'avìa fondà sta sità, ansema con soa fomna che as ciamava Maca. 36Sò fieul prim-génit as ciamava Abdon, e peui a-i vnisìo Zur, Chis, Bal, Ner, Nadab, 37Gedor, Achio, Zecaria e Miclòt. 38Miclòt a l'é stait pare 'd Simeam. Dcò costi, divers da d'àutri sò parent, a l'han abità a Gerusalem ansema a tuti ij sò frej. 39Ner a l'ha generà Chis, ch'a l'é stait pare' d Saul. E peui Saul a l'é stait pare 'd Giònata, Malchi-Sua, Abinadab e Esbal. 40Fieul ëd Giònata a l’ero: Meribal, ch'a l'é stait pare 'd Mica. 41j fieuj ëd Mica a l’ero: Piton, Melech,Tarea e Acas. 42Acas a l'é stait pare'd Jara, e Jara a l'ha generà Alemet, Asmavet e Zimri. Zimri a l'é stait pare 'd Mosa. 43Mosa peui, a l'era stait pare 'd Bina, pare 'd Refaia, ch'a l'ha generà Elasa, ch'a sarà peui pare d'Asel. 44Asel a l'ha avù ses fieuj, costi a son ij nòm: Asricam, Bocru, Ismael, Obadia e Canan. Costi-sì a l'ero ij fieuj d'Asel.
Nòte
modifiché- ↑ 9:2-3 cfr. Esdra 2:27; Neemìa 7:73.