La Bibia piemontèisa/Testament Neuv/Matè/Introdussion
Introdussion
modifichéL’Evangeli second (San) Matè a l’é ‘l prim dij quatr evangeli canònich dël Testament Neuv. A conta la vita, j’euvre e le paròle ‘d Gesù ‘d Nasaret, ciamà ‘l Crist. Cost evangeli a l’é stait ëscrivù da Matè, dissepol ëd Gesù, che për travaj a fasìa l’esator ëd le taje. Second la tradission cristian-a a l’era un dij dódes apòstoj ëd Gesù, colòna dla dotrin-a cristian-a. L’evangeli second Matè a l’è stàit scrivù ant ël grech antich apopré ant l’ann 70-80 AD e a l’é adressà dzortut a un pùblich d’Ebreo convertì a la fede cristian-a. La strutura ‘d cost evangeli a l’é dividùa an sinch part, ciamà “dëscors” o “dotrin-e”, ch’a corespondo ai sinch lìber ëd la Torà, la Lege ‘d Mosè dël Testament Vej. L’acent teològich dl’evangeli second Matè a l’é an sla figura ‘d Gesù coma ‘l Mëssìa dla promëssa. Cost evangeli a buta an evidensa la genealogìa ‘d Gesù e soa liura con la dëssendensa ‘d David, lòn ch’a dimostra che Gesù a l’é ‘l rè gënit d’Israel. Gesù a smon ël regn a sò pòpol, ma Israel a lo arfuda coma sò rè e a lo massa ans na cros. Gesù, contut, a arsùssita e manda ij sò dissèpoj ant tut për mond për proclamé soa dotrina. Pì ‘d lòn, cost evangeli a arciama l’importansa dla fede, dl’amor e dla giustissia, cissand ij sò letor a vive scond la volontà ‘d Dè. An sìntesi, l’evangeli second Matè a l’é ‘n rendicont detajà dla vita e dj’euvre ‘d Gesù Crist, scrivù për giuté ij cristian a comprende soa mission e soa significassion teològica. Soa strutura a arciama soa continuità an tra Testament Neuv e Testament Vej, mentre che sò message sentral a riguarda la fede an Gesù coma Messia e la pràtica ‘d na vita giusta e amorèivola.