La Bibia piemontèisa/Testament Neuv/March/Introdussion
Introdussion
modifichéL’evangeli second March a l’é lë scond dij quatr vangej canònich dël Testament Neuv ant la Bibia cristian-a. As pensa ch’a sia stàit scrivù da Gioann March, un dissépol ëd Pero, an tra ‘l 65 e ‘l 70 AD. Cost evangeli a l’é ‘l pì curt dij quatr e as caraterìsa për soa natura concìsa e dirèta. March a presenta la vita ‘d Gesù Crist coma na série d’aveniment lest, con n’acent an particolar an sj’assion pitòst che ant la dotrin-a. L’evangeli as anandia con ël ministeri ‘d Gioann Batìsta, seguità da ‘l batèsim e da le tentassion ëd Gesù an Galilea, ij sò miràcoj e lòn che chiel a mostrava, la sernìa dij dódes apòstoj e, a la fin, dai so patiment, mòrt e arsurression a Gerusalem. L’evangeli second March a marca la figura ‘d Gesù coma ‘l Mëssia (ël Salvator), ël Fieul ëd Dé, e a buta l’acent an sò podej e autorità divin-a për ël mojen dij miracoj e le varision ch’a fasìa. Tutun, March a presenta ‘dcò Gesù coma ‘l Servitor ch’a patiss, ch’a sacrìfica soa vita për la salvëssa dla gent. Costa dinàmica an tra podèj e soferensa a l’é un dij sogèt sentraj dl’evangeli. Ël mëssagi d’ansema dl’evangeli ‘d March a l’é col ëd mostré ai letor che Gesù a l’é ‘l Mëssia dla promëssa e ‘l Fieul ëd Dé, ch’a l’ha vivù, patì e dàit soa vita për la redension ëd l’òm. March a 'nvita ‘dcò ij sò letor a imité l’esempi ‘d Gesù butand-se al servissi compassionèivol dj’àutri. L’evangeli a armarca l’importansa dla fede e ‘d comprende la vera natura ‘d Gesù, e la necessità ‘d “porté la cros” dël sacrifissi e dl servissi dëspassionà për la gent.