Giovanni Teti/Vin

Testa rossa

Le vis an sle colin-e
a rifleto an noi l’amor
d’un frut durbisse fior
ch’a monta an sò ciairor.

Ij ragg a gonfio calor
an sle finësse mamele
as coloro le pì bele
arlevandse dë stupor.

Ant le tin-e dle cassin-e
a finisso për terminé
dëstèise a fermenté,
argalandne ’l savor.

Vin amàbil ëd valor
percepì ’nt ël sagé.
Cola essensa da amé
ch’a nas ant ël fervor.