Giovanni Cerutti/Canson/Turin – Cavoret an automòbil
TURIN – CAVORET AN AUTOMÒBIL
modifichéMusica di Raffaele Cuconato, parole di Giovanni Gastaldi (Tito Livido). Questa canzone meritò il 1°premio al concorso per canzoni piemontesi organizzato dal Teatro Eden di Torino nel 1907.
Òh Pinòta la sas-to la neuva, che 'n Piassa Castel
fan viagé n’automòbil an preuva, pì lest che n’osel?
Dal “Ròmano” ò dal Circo dij Nobil, pagand-se nòst biet,
galegioma sël “treno – automòbil”: Turin – Cavoret!
Ven, Pinòta, ses-to pronta? Monta, monta 'n diligensa,
già 'l motor perd la passiensa, largo! largo!, tè, 'l subièt!
Che piasì, për la colin-a, mia gognin-a, podèj core,
fé ‘n bel “raid” d’un pàira d’ore, da Turin a Cavoret!
Che Nazzari, che Cagno, che Lancia! (1) Son mi 'l tò “chaffeur”.
Quale copa stassèira për mancia, t’ëm pronte, bel cheur?
Ma përché toa manin-a fërfoja, mè car ratojn?
A l’é 'n ”amen”, tocand la manoja, …trovesse a Pekin!
Òh che màchina sicura la vitura 'd sent cavaj,
j”accapì” (2) s’andeurmo mai, van pì còti che 'n diret,
ma darmagi che sta corsa për mia borsa a l’è 'n ravagi:
ses pianeta a costa 'l viage da Turin a Cavoret!
(1) Felice Nazzaro, Alessandro Umberto Cagno e Vincenzo Lancia furono famosi corridori automobilisti nei primi anni del ‘900.
(2) I cavalli – vapore.